2015 КАНАДА ГП: ХАМИЛТОН СО НАЈБРЗО ВРЕМЕ, НО И СУДИР СО БАРИЕРИТЕ

Луис Хамилтон повторно го диктираше темпото и на вториот тренинг за Големата Награда на Канада, но беше и единствениот возач кој заврши во бариерите кога започна пороен дожд при средината од сесијата. Тој забележа три десетинки побрзо време од Себастијан Ветел и Кими Раиконен со болидите на Ферари. Поради најавениот дожд веќе со самото започнување на сесијата повеќето болиди се упатија веднаш на патеката за да го искористат сувото време. Кога има многу сообраќај потешко е да се комплетира еден непречен брз круг, па така попладневниот редослед релативно малку го одразува вистинскиот распоред на силите на гридот.

Дождот започна да паѓа по само поминати 40 минути, време кога сите возачи се вратија во своите гаражи. Единствено Мерцедес АМГ одлучи да ги врати Хамилтон и неговиот тимски колега Розберг на патеката со интермедиа гумите на Пирели. Како да сакаа да покажат дека никој ништо не им може и ако врне дожд на трката. Но, како што обично следува кога ќе ги прецениш своите можности тоа ти се враќа како бумеранг. Тоа се покажа како голема грешка, бидејќи Хамилтон, изгуби контрола и "пливајќи" заврши во бариерите од гуми покрај патеката, оштетувајќи го предниот дел на својот болид. Тоа значеше и крај на било каква понатамошна акција на патеката.

Пред да започне дождот, сите возачи поставија брзи круга на супер-меките гуми на Пирели, а потоа секој тим продолжи со својата планирана, но изменета програма за тестирање. Во Ферари, Кими Раиконен ги тестирше меките, а Себастијан Ветел супер-меките гуми. Спротивно на тоа, дуото на Мерцедес АМГ остана на супер-меки гуми. Од Ферари повторно се надеваат дека нивното тркачко темпо е добро и доколку би можеле да останат во ДРС-зоната зад Сребрените стрели се може да се случи. Сепак ова патека многу забележително ги фаворизира болидите со Мерцедес ПЕ, од кои најголеми добитници се Лотусите со Пастор Малдонадо на импресивната 5-тата и Роман Грожан на 7-та позиција на табелата. Лоши постигнувања за Мекларен, Фернандо Алонсо со 15-тото и Џенсон Батон со 18-тото најбрзо време.

ВТОР СЛОБОДЕН ТРЕНИНГ

 П.     ВОЗАЧ             ТИМ           ВРЕМЕ      РАЗЛИКА КРУГОВИ
 1. Луис Хамилтон       Мерцедес АМГ   1:15.988              22
 2. Себастијан Ветел    Ферари         1:16.304   +  0.316   19
 3. Кими Раиконен       Ферари         1:16.310   +  0.322   20
 4. Нико Розберг        Мерцедес АМГ   1:16.440   +  0.452   22
 5. Пастор Малдонадо    Лотус          1:16.600   +  0.612   15
 6. Валтери Ботас       Вилијамс       1:16.849   +  0.861   18
 7. Роман Грожан        Лотус          1:16.864   +  0.876   15
 8. Фелипе Маса         Вилијамс       1:17.041   +  1.053   19
 9. Дањил Квјат         Ред Бул        1:17.092   +  1.104   10
10. Даниел Рикиардо     Ред Бул        1:17.111   +  1.123   16
11. Нико Хулкенберг     Форс Индија    1:17.120   +  1.132   15
12. Маркус Ериксон      Заубер         1:17.261   +  1.273   17
13. Карлос Саинц ЈР.    Торо Росо      1:17.318   +  1.330   23
14. Серџо Перез         Форс Индија    1:17.367   +  1.379   20
15. Фернандо Алонсо     Мекларен       1:17.627   +  1.639   21
16. Макс Ферстапен      Торо Росо      1:17.657   +  1.669   23
17. Фелипе Наср         Заубер         1:17.751   +  1.763   21
18. Џенсон Батон        Мекларен       1:18.135   +  2.147   20
19. Роберто Мери        Манор          1:19.531   +  3.543   15
20. Вил Стивенс         Манор          1:19.734   +  3.746   13

* 2014: Луис Хамилтон - Мерцедес АМГ - 1:16.118