Маурицио Аривабене, тимскиот шеф на Ферари, вели дека позицијата на Ветел во генералниот пласман на возачи ја комплицира работата и ако се сака да се остане во теоретски рамки за освојување на титулата треба да се заврши трката во Остин во разлика од седум поени со возачот на Мерцедес АМГ. Казнените стартни позиции, најверојатно, ќе ја уништат неговата и онака мала шанса да го предизвика Луис Хамилтон, водечкиот во генералниот пласман на возачи.
"Ние размислуваме за надградбата и ние ќе ви кажеме во Остин што одлучивме да се направи. Се разбира, ситуацијата со Себ, второто место во шампионатот, малку ги смени работите, но ние треба внимателно да одвагаме, што губиме, а што добиваме пред да донесеме конечна одлука."
На последната трка во Русија, Ветел и Раиконен имаа блиска борба, а многумина дури и видоа допир помеѓу нивните болиди, но според Аривабене нити во еден момент не помислиле на тимски наредби, но тоа би можело да се смени на следните трки.
"Ние не сме размислувале за тимски наредби во досегашниот тек на сезоната, во Сочи се зависеше од нив самите. Се разбира, може да дојде време кога ќе се разгледаат и тие како опција."
