2016 БАХРЕИН ГП: ФЕРАРИ ИМААТ ПРОБЛЕМАТИЧНО ТУРБО

Нико Розберг повторно побрз од својот тимски колега и на вториот тренинг во Бахреин, забележувајќи го најдоброто време на денот. Германецот со помош на супер-меките гуми на Пирели, беше за речиси 1,6 секунди побрз од времето потребно за Пол позицијата во минатата сезона.

Луис Хамилтон беше за 0.241 секунди побавен со второто најбрзо време, а останатите беа светлосни години побавни. Џенсон Батон со Мекларен беше изненадувањето на денот, позиционирајќи се како најблизок ривал на Сребрените стрели, но со заостанување од "само" 1.280 секунди.

Во тимот на Мерцедес АМГ веруваат дека имаат докази дека Ферари ја штитат неиздржливоста на својата ПЕ со ограничување на максималната сила колку што е можно повеќе време.

Според Ветел пак, болидите на Мерцедес АМГ се тие ја имаат предноста, но се надева дека може да им се приближат повеќе од тоа што денешните времиња го покажуваат.

Најновите шпекулации се дека Италијанците имаат проблем со турбото, па на правците не може да ја користат целата моќност на ПЕ. Решение не може да се најде пред трката во Шпанија.

Третата позиција на Батон е малку веројатно да се повтори во саботните квалификации, но тоа е уште еден доказ дека Мекларен и Хонда прават значаен напредок по катастрофалната 2015 година. Тркачкото темпо на Батон беше релативно охрабрувачки со сигурен пласман во бодови.

Дека се се одвива како што посакуваат на оваа трка забележуваме и по времето на неговиот нов тимски колега, кој има заостанување од само 0.7 секунди. Штофел Вандорн, по националност Белгиец, во Бахреин допатувал во текот на ноќта од Јапонија и го нема пробано 2016 болидот до почетокот на првиот тренинг.

Останатите тимови според очекуваното, а средината на поредокот изгледа многу збиено и е многу тешко да се прогнозира кој каде е во овој момент.

Во меѓувреме Ф1 полека но сигурно се повеќе тоне кон дното. Најново е дека Луис Хамилтон добил забрана за постирање видеа, од Ф1 падокот, на социјалните мрежи бидејќи тоа не било во согласнот со ФОМ.

Утрешните Квалификации се закажани за 17:00 часот по македонско време.

РЕЗУЛТАТИ ОД ВТОРИОТ ТРЕНИНГ

П.	ВОЗАЧ	ТИМ	ВРЕМЕ	РАЗЛИКА	КРУГА
1	Нико Розберг	Мерцедес АМГ	1:31.001		38
2	Луис Хамилтон	Мерцедес АМГ	1:31.242	+ 0.241	32
3	Џенсон Батон	Мекларен	1:32.281	+ 1.280	32
4	Макс Ферстапен	Торо Росо	1:32.406	+ 1.405	31
5	Кими Раиконен	Ферари	1:32.452	+ 1.451	38
6	Себастијан Ветел	Ферари	1:32.650	+ 1.649	26
7	Данил Квјат	Ред Бул	1:32.703	+ 1.702	34
8	Валтери Ботас	Вилијамс	1:32.792	+ 1.791	39
9	Даниел Рикиардо	Ред Бул	1:32.870	+ 1.869	23
10	Фелипе Маса	Вилијамс	1:32.873	+ 1.872	36
11	Штофел Вандорн	Мекларен	1:32.999	+ 1.998	30
12	Естебан Гутиерез	Хас	1:33.129	+ 2.128	31
13	Карлос Саинц ЈР.	Торо Росо	1:33.177	+ 2.176	36
14	Роман Грожан	Хас	1:33.384	+ 2.383	23
15	Серџо Перез	Форс Индија	1:33.406	+ 2.405	35
16	Кевин Магнусен	Рено	1:33.447	+ 2.446	34
17	Нико Хулкенберг	Форс Индија	1:33.570	+ 2.569	37
18	Џолион Палмер	Рено	1:33.640	+ 2.639	35
19	Паскал Верлајн	Манор	1:33.953	+ 2.925	21
20	Маркус Ериксон	Заубер	1:34.224	+ 3.223	31
21	Фелипе Наср	Заубер	1:34.477	+ 3.476	34
22	Рио Харјанто	Манор	1:34.562	+ 3.561	33

* 2014: Луис Хамилтон - Мерцедес АМГ - 1:34.325
* 2015: Нико Розберг - Мерцедес АМГ - 1:34.647