Ники Лауда почна да работи во Мерцедес АМГ на крајот од 2012 година, додека сегашната позиција на неизвршен директор ја има од 2013 година и поседува 10% удел во тимот.
Тото Волф се приклучи на Мерцедес АМГ од тимот на Вилијамс во Февруари 2013 година и поседува 30% удел и од самиот почеток ја има позицијата на извршен директор.
Дајмлер групацијата го има мнозинскиот, 60%, пакет на акции.
Д-р Дитер Цетче, претседател и извршен директор на Дајмлер групацијата, изјави: "Извонредна е веста дека Тото и Ники ги продолжија нивните договори. Во 2013 година, ние имавме реконструирање на раководството на тимот со јасна цел - подобрување на нашите перформанси. Од тогаш, резултатите ги надминаа нашите очекувања. Клучен фактор во овој успех е комбинацијата на претприемачки вештини на Тото и искуството на Ники. Обновувањето на нивната посветеност кон тимот значи важен континуитет на нашата програма и во следните четири години."
Ники Лауда изјави: "Последните неколку години се едни од најпријатните што сум ги доживеал во Формула 1 Шампионатот. Тото и јас формиравме совршно партнерство во тимот и имаме одлична соработка на секое ниво, која дава резултати. Морам да се заблагодарам на Дитер и другите членови на одборот на Дајмлер за обновување на нивната доверба во нас."
Тото Волф заклучува: "Победувањето не се сведува на еден поединец, тоа е собирање на група од вистинските луѓе, кои работат заедно кон заедничка цел, а потоа комбинирање на нивните таленти да се постигне таа цел. Со секое доаѓаат во фабриката, јас сум почестен што ја имам привилегијата да ја претставувам оваа инспиративна група на луѓе."
