ПОЛ ПОЗИЦИЈАТА ЌЕ СЕ РЕШАВА ПОМЕЃУ ХАМИЛТОН И ВЕТЕЛ?!?

Луис Хамилтон најбрз кога е најпотребно. Возачот на Мерцедес АМГ го имаше најбрзото време на денот, победувајќи го Себастијан Ветел на попладневната тренинг сесија за Големата Награда на Абу Даби. Се тоа проследено со изјава по тимското радио дека чувствувал големи вибрации и дека гумите се едни од најлошите што ги има возено!!!

Себастијан Ветел и Даниел Рикиардо го имаа второто и третото најбрзо време и беа единствените возачи кои успеаа да се доближат до Британецот. Разделени беа во три десетинки од секундата. Како одредени конкуренти за Пол позицијата не смееме да ги отпишеме и Кими Раиконен, Валтери Ботас и Макс Ферстапен.

Следуваа возачите на Форс Индија, со Серџо Перез за 0,010 делови од секундата пред Естебан Окон. При крајот на сесијата Нико Хулкенберг успеа да биде подобар од Фернандо Алонсо и Фелипе Маса за пласман во најбрзите 10 возачи.

Дали Хамилтон ќе стигне до својата 12-та Пол позиција сезонава или пак Ферари или Ред Бул ќе ја завршат во голем стил ќе дознаеме на утрешните квалификации кои започнуваат во 14:00 часот по македонско време.

2017 АБУ ДАБИ ГП - ВТОР СЛОБОДЕН ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА КРУГА
 1. Луис Хамилтон    Мерцедес АМГ 1:37.877          39
 2. Себастијан Ветел Ферари       1:38.026 + 0.149  37
 3. Даниел Рикиардо  Ред Бул      1:38.180 + 0.303  34
 4. Кими Раиконен    Ферари       1:38.352 + 0.475  35
 5. Валтери Ботас    Мерцедес АМГ 1:38.537 + 0.660  33
 6. Макс Ферстапен   Ред Бул      1:38.894 + 1.017  34
 7. Серџо Перез      Форс Индија  1:39.323 + 1.446  33
 8. Естебан Окон     Форс Индија  1:39.333 + 1.456  36
 9. Нико Хулкенберг  Рено         1:39.529 + 1.652  41
10. Фернандо Алонсо  Мекларен     1:39.559 + 1.682  28
11. Фелипе Маса      Вилијамс     1:39.635 + 1.758  36
12. Штофел Вандорн   Мекларен     1:39.671 + 1.794  31
13. Карлос Саинц ЈР. Рено         1:40.201 + 2.324  38
14. Ленс Строл       Вилијамс     1:40.329 + 2.452  30
15. Пјер Гасли       Торо Росо    1:40.694 + 2.817  39
16. Кевин Магнусен   Хас          1:41.128 + 3.251  31
17. Паскал Верлајн   Заубер       1:41.270 + 3.393  43
18. Маркус Ериксон   Заубер       1:41.302 + 3.425  40
19. Бренадон Хартли  Торо Росо    1:41.496 + 3.619  39
20. Роман Грожан     Хас          1:41.560 + 3.683  12

2014 Луис Хамилтон - Мерцедес АМГ - 1:42.115
2015 Нико Розберг - Мерцедес АМГ - 1:41.983
2016 Луис Хамилтон - Мерцедес АМГ - 1:40.861
2017 Луис Хамилтон - Мерцедес АМГ - 1:37.877