РОС БРАУН: Ф1 БОЛИДИТЕ ВО 2021 ЌЕ ИЗГЛЕДААТ СЕНЗАЦИОНАЛНО

РАЗГЛЕДУВАН БЕШЕ И ШТИТОТ НА ФЕРАРИ

Многумина ја критикуваат одлуката на ФИА да ги обврзе тимовите да го користат ХАЛО системот за дополнителна заштита на главата, пред се поради естетскиот изглед на Ф1 болидите. Сепак, Рос Браун, спортскиот директор на Формула 1 е сигурен дека во 2021 година болидите ќе изгледаат одлично.

Рос Браун: "Мислам дека за неколку години болидите ќе изгледаат сензационално. За нас, тоа е навистина важно и мислиме дека сме на добар пат во оваа насока. Нашите дизајнери веќе некое време работат на изгледот на болидите."

"Ние постигнавме голем успех, особено со интеграцијата на ХАЛО системот, кој сега не изгледа толку вештачки. Фановите веруваат дека Ф1 болидите треба да изгледаат футуристички, како во видео игрите. Мислам дека е неопходно видео игрите да го земат примерот од Формула 1, а не обратно."