РЕД БУЛ ВО ТОП ФОРМА, ПРОБЛЕМИ ЗА ЛИДЕРОТ ВО ШАМПИОНАТОТ

Возачот на Ред Бул, Даниел Рикиардо, беше најбрз на втората тренинг сесија за Големата Награда на Азербејџан, победувајќи го Кими Раиконен од Ферари за само 0.069 делови од секундата. Австралијанецот веќе по само 10 минути од сесијата го зазеде врвот и не го испушти до крајот, со најдобро време од 1:42.795 на ултра-меките гуми на Пирели.

Речиси сите возачи се обидуваа да избегнат прегревање на задните гуми, па повеќето обиди за брз круг беа проследени со еден бавен како гумите би се оладиле т.е. се вратат во оптималниот работен опсег. Кими Раиконен се приближи на само 0.069 до Австралијанецот забележувајќи го второто најбрзо време.

Макс Ферстапен, кој имаше излетување во бариерите на првиот тренинг, повторно ја застружи бојата од истите за да го постави третото најбрзо време, со заоастанување од 0.116 секунди. Тој, исто така, имаше поголемо блокирање на предното тркало и мораше да ја посети зоната за излетување при третиот свиок.

Валтери Ботас беше побрз од својот тимски колега, Луис Хамилтон за четвртото место на табелата, но болидите на Мерцедес АМГ имаа прилично големо заостанување за околку осум десетинки.

Луис Хамилтон го постави најдоброто време во својот втор круг на ултра-меката смеша, но подоцна имаше два неуспешни обиди за подобрување на своето време, иако го забележа најбрзото време во првиот сектор. При првиот негов обид ги блокираше предните тркала, а потоа неговиот болид не го послуша и излезе далеку од идеалната тркачка линија.

Себастијан Ветел имаше тешка сесија, завршувајќи ја со 11-тото најбрзо време, за 1.332 секунда побавен од врвот на табелата. Германецот имаше неколку посети на зоните за излетување и не можеше да го контролира својот болид при притискање на сопирачките за влез во свиоците. Најголем проблем му претставуваше првиот најбавен сектор.

РЕЗУЛТАТИ ОД ВТОРИОТ ТРЕНИНГ

П.	ВОЗАЧ	ТИМ	ВРЕМЕ	РАЗЛИКА	КРУГ
1	Даниел Рикиардо	Ред Бул	1:42.795		35
2	Кими Раиконен	Ферари	1:42.864	+ 0.069	33
3	Макс Ферстапен	Ред Бул	1:42.911	+ 0.116	27
4	Валтери Ботас	Мерцедес АМГ	1:43.570	+ 0.775	25
5	Луис Хамилтон	Мерцедес АМГ	1:43.603	+ 0.808	31
6	Фернандо Алонсо	Мекларен	1:43.700	+ 0.905	34
7	Естебан Окон	Форс Индија	1:43.814	+ 1.019	30
8	Карлос Саинц ЈР.	Рено	1:43.834	+ 1.039	36
9	Кевин Магнусен	Хас	1:43.977	+ 1.182	29
10	Нико Хулкенберг	Рено	1:44.091	+ 1.296	33
11	Себастијан Ветел	Ферари	1:44.127	+ 1.332	38
12	Серџо Перез	Форс Индија	1:44.142	+ 1.347	31
13	Роман Грожан	Хас	1:44.425	+ 1.630	27
14	Ленс Строл	Вилијамс	1:44.459	+ 1.664	31
15	Пјер Гасли	Торо Росо	1:44.712	+ 1.917	39
16	Чарлс Леклерк	Заубер	1:44.940	+ 2.145	30
17	Сергеј Сирокин	Вилијамс	1:45.007	+ 2.212	33
18	Брендон Хартли	Торо Росо	1:45.051	+ 2.256	36
19	Штофел Вандорн	Мекларен	1:45.288	+ 2.493	29
20	Маркус Ериксон	Заубер	1:46.042	+ 3.247	9

2016 Луис Хамилтон - Мерцедес АМГ - 1:44.223
2017 Макс Ферстапен - Ред Бул - 1:43.362
2018 Даниел Рикиардо - Ред Бул - 1:42.795