ФЕРСТАПЕН ГО ЗАДРЖА РЕД БУЛ НА ВРВОТ

Денешните тренинг сесии за Големата Награда на Германија, на патеката Хокенхајм, поминаа без некои поголеми возбудувања. Тимовите се концентрираа да поминат што повеќе километри, за да соберат податоци кои ќе бидат од клучна важност за подесување на болидите.

Ред Бул повторно со најбрзото време, сега Макс Ферстапен на врвот на табелата. На прв поглед Австрискиот тим има доста брзина и парира на возачите на Мерцедес АМГ и Ферари, но знаеме дека овие два тима имаат сосема друго, побрзо темпо во сабота. 

Ферари сега се реши да ги испроба ултра-меките гуми, за разлика од предпладневната сесија, и заврши со околу две десетинки заостанување зад Мерцедес АМГ. Се ова најавува интересна борба помеѓу возачите на двата тима, кога ќе може да ги користат квалификациските модови на своите ПЕ.

Возачите на Хас повторно најавуваат дека се најбрзи од остатокот на гридот, пред импресивниот Чарлс Леклерк со болидот на Заубер. На крајот на поредокот се болидите на Вилијамс и Мекларен, кои ги очекува долга ноќ пред себе, ако сакаат да напредуваат на табелата.

Саботниот тренинг започнува во 12:00 часот, додека Квалификациите се на програмата во 15:00 часот по Македонско време. Директен пренос на ТВ 24Вести.

2018 ГЕРМАНСКО ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:13.085		18
2	Луис Хамилтон	Мерцедес АМГ	1:13.111	+ 0.026	39
3	Валтери Ботас	Мерцедес АМГ	1:13.190	+ 0.105	39
4	Себастијан Ветел	Ферари	1:13.310	+ 0.225	46
5	Кими Раиконен	Ферари	1:13.427	+ 0.342	41
6	Роман Грожан	Хас	1:13.973	+ 0.888	34
7	Кевин Магнусен	Хас	1:14.189	+ 1.104	36
8	Чарлс Леклерк	Заубер	1:14.374	+ 1.289	41
9	Нико Хулкенберг	Рено	1:14.496	+ 1.411	31
10	Естебан Окон	Форс Индија	1:14.508	+ 1.423	39
11	Серџо Перез	Форс Индија	1:14.552	+ 1.467	38
12	Карлос Саинц ЈР.	Рено	1:14.592	+ 1.507	43
13	Даниел Рикиардо	Ред Бул	1:14.682	+ 1.597	36
14	Маркус Ериксон	Заубер	1:14.783	+ 1.698	38
15	Пјер Гасли	Торо Росо	1:14.793	+ 1.708	44
16	Брендон Хартли	Торо Росо	1:14.830	+ 1.745	45
17	Фернандо Алонсо	Мекларен	1:15.836	+ 1.751	38
18	Ленс Строл	Вилијамс	1:15.269	+ 2.184	36
19	Сергеј Сироткин	Вилијамс	1:15.408	+ 2.323	41
20	Штофел Вандорн	Мекларен	1:15.454	+ 2.369	34
ИСТОРИЈА - ХИБРИДНА ЕРА - ХОКЕНХАЈМ 2014 Луис Хамилтон - Мерцедес АМГ - 1:18.341 2016 Нико Розберг - Мерцедес АМГ - 1:15.614 2018 Макс Ферстапен - Ред Бул - 1:13.085
@МкФормула1 - Република Македонија @MkFormula1 - Republic of Macedonia