ХАМИЛТОН СО ПОКЛОН ПОБЕДА, ДЕН НА КОЈ НЕМА ДОЛГО ДА СЕ СЕЌАВА

Луис Хамилтон со подарена Победа од страна на својот тимски колега, кој ја почитуваше наредбата на својот тим да го пропушти Британецот за помош во борбата за Шампионската титула. Себастијан Ветел и Ферари немаа сили за нешто повеќе, па иако ја добија стратегиската битка низ боксевите, истата не можеа да ја задржат на патеката. Германецот мораше да се задоволи со третото место пред Раиконен и Макс Ферстапен, кој со старт од 19-тата позиција стигна до 5-то место и беше избран за возач на денот на датумот на негово раѓање. Чарлс Леклерк имаше многу добра трка тука, претекнувајќи го Магнусен на стартот, па така финиширајќи како најдобар, надвор од топ 3 тимовите.

На стартот, Ботас ја искористи предноста на пол позицијата и по првиот свиок го задржа водството пред Хамилтон. Себастијан Ветел иако имаше добар старт, дојде рамо до рамо со Британецот, не успеа да дојде до второто место.

Најдобар старт имаше возачот на Ред Бул, Макс Ферстапен кој од 19-тата стартна позиција стигна до 13-тото место на крајот од првиот круг. Холанѓанецот брзо напредуваше и веќе во 8-от круг беше на 55-то место.

Ботас лидерот на трката прв се одлучи за промена на своите гуми веќе во 12 круг, а веднаш потоа регираа и стратегистите на Ветел. Тактиката на Ферари вроди со плод, па кога Хамилтон ги промени своите гуми, се најде зад Германецот.

За да останете напред треба да имате брз болид, а Ферари на патеката во Сочи едноставно немаше брзина во своите болиди. Така, предноста на Ветел не траеше долго, т.е. брзо беше поминат од Мерцедесот на Луис Хамилтон.

Кога Раиконен, како последен од водечките, во 18-от круг, влезе во бокс, Макс Ферстапен го презеде водството. Темпото на Холанѓанецот на неговите почетни меки гуми беше солидно, па тој го одржуваше првото место, при тоа задржувајќи ги зад себе останатите возачи.

Набрзо, второто место на Ботас се најде под притисок од Хамилтон. Но, од друга страна, Ветел започна да се доближува до Британецот.

Заканата од Ферари го принуди Мерцедес АМГ да реагира, па на Ботас му беше кажано да му дозволи на Хамилтон да го претекне. Финецот го направи тоа во 42-от круг и како третопласиран беше бедем помеѓу лидерот во генералниот пласман на возачи и неговиот најблизок конкурент.

Луис Хамилтон ја превзеде контролата на трката, а единственото прашање беше каде ќе заврши младиот Холанѓанец. Но, неговиот Ред Бул на беше така брз на помеката смеша на Пирели, па мораше да се задоволи со 5-тото место.

На крај, Луис Хамилтон ја забележа својата 70-та Победа во кариерата пред Валтери Ботас, а Ветел се пласираше на последното скалило на подиумот. Кими Раиконен се одржа на четвртото место, пред Ферстапен и Рикиардо на петто и шесто место, соодветно. Седмото место го освои Чарлс Леклерк, пред Кевин Магнусен од Хас на осмото. Последните две места кои носат поени беа окупирани од возачите на Форс Индија, Естебан Окон пред Серџо Перез.

2018 РУСКО ГРАН ПРИ - СОЧИ 53 круга, 304.356км., Време: Суво
ПЛАСМАН:
П.	ВОЗАЧ	ТИМ	ВРЕМЕ
1.	Луис Хамилтон	Мерцедес АМГ	1ч27:25.181
2.	Валтери Ботас	Мерцедес АМГ	+ 2.545
3.	Себастијан Ветел	Ферари	+ 7.487
4.	Кими Раиконен	Ферари	+ 16.543
5.	Макс Ферстапен	Ред Бул	+ 31.016
6.	Даниел Рикиардо	Ред Бул	+ 1:20.451
7.	Чарлс Леклерк	Заубер	+ 1:38.390
8.	Кевин Магнусен	Хас	+ 1 круг
9.	Естебан Окон	Форс Индија	+ 1 круг
10.	Серџо Перез	Форс Индија	+ 1 круг
11.	Роман Грожан	Хас	+ 1 круг
12.	Нико Хулкенберг	Рено	+ 1 круг
13.	Маркус Ериксон	Заубер	+ 1 круг
14.	Фернандо Алонсо	Мекларен	+ 1 круг
15.	Ленс Строл	Вилијамс	+ 1 круг
16.	Штофел Вандорн	Мекларен	+ 2 кругa
17.	Карлос Саинц ЈР.	Рено	+ 2 кругa
18.	Сергеј Сироткин	Вилијамс	+ 2 кругa
НАЈБРЗ КРУГ: ВАЛТЕРИ БОТАС - 1:35.861
БЕЗ ПЛАСМАН:
19.	Пјер Гасли	Торо Росо	дефект
20.	Брендон Хартли	Торо Росо	дефект
* 5 сек. казна - непочитување плави знамиња 2014 Луис Хамилтон - Мерцедес АМГ - 1ч51:43.021 2015 Луис Хамилтон - Мерцедес АМГ - 1ч37:11.024 2016 Нико Розберг - Мерцедес АМГ - 1ч32:41.997 2017 Валтери Ботас - Мерцедес АМГ - 1ч28:08.743 2018 Луис Хамилтон - Мерцедес АМГ - 1ч35:11.611 @МкФормула1 - Република Македонија @MkFormula1 - Republic of Macedonia

***ГЕНЕРАЛЕН ПЛАСМАН ПО 16 ТРКИ***
ВОЗАЧИ:
1.	Луис Хамилтон	306
2.	Себастијан Ветел	256
3.	Валтери Ботас	189
4.	Кими Раиконен	186
5.	Макс Ферстапен	158
6.	Даниел Рикиардо	134
7.	Нико Хулкенберг	53
8.	Кевин Магнусен	53
9.	Фернандо Алонсо	50
10.	Серџо Перез	47
11.	Естебан Окон	47
12.	Карлос Саинц ЈР.	38
13.	Пјер Гасли	28
14.	Роман Грожан	27
15.	Чарлс Леклерк	21
16.	Штофел Вандорн	8
17.	Маркус Ериксон	6
18.	Ленс Строл	6
19.	Брендон Хартли	2
20.	Сергеј Сироткин	1
КОНСТРУКТОРИ:
1.	Мерцедес АМГ	495
2.	Ферари	442
3.	Ред Бул	292
4.	Рено	91
5.	Хас	81
6.	Мекларен	58
7.	Форс Индија(нов сопственик)	35
8.	Торо Росо	30
9.	Заубер	27
10.	Вилијамс	7
ДКВ	Форс Индија(стар сопственик)	52