ШАМПИОНОТ НЕПОБЕДЛИВ, ХАМИЛТОН НА ПОЛ ПОЗИЦИЈАТА

Луис Хамилтон успеа да го забележи најбрзото време на интересните Квалификации за Големата Награда на Бразил, додека неговиот најблизок ривал за титулата Себастијан Ветел со болидот на Ферари беше побавен за само 0.093 делови од секундата и ќе му прави друштво на првиот стартен ред. На вториот ред се пласираше втората постава на овие два тима, Валтери Ботас и Кими Раиконен. (За ситуацијата од последното видео, т.е. поради тоа што не го изгаси болидот на вагата, се шушка за дисквалификација на Себастијан Ветел. Малку веројатно... UPDATE: Германецот заработи опомена и казна од 25.000 евра.)

Возачите на Ред Бул на оваа патека не можеа да конкурираат на Мерцедес АМГ и Ферари, па Макс Ферстапен и Даниел Рикиардо ќе стартуваат веднаш зад нив на третиот ред.

Најголемо изненадување на сесијата приреди Маркус Ериксон кој со болидот на Заубер забележа време за 7-та стартна позиција, победувајќи ги Чарлс Леклерк, Роман Грожан и Пјер Гасли.

Трката за Големата Награда на Бразил започнува во 18:10 часот по македонско време.

ГОЛЕМАТА НАГРАДА НА БРАЗИЛ - КВАЛИФИКАЦИИ
П.	ВОЗАЧ	ТИМ	ВРЕМЕ	РАЗЛИКА
1.	Луис Хамилтон	Мерцедес АМГ	1:07.281
2.	Себастијан Ветел	Ферари	1:07.374	+ 0.093
3.	Валтери Ботас	Мерцедес АМГ	1:07.441	+ 0.160
4.	Кими Раиконен	Ферари	1:07.456	+ 0.175
5.	Макс Ферстапен	Ред Бул	1:07.778	+ 0.497
6.	Даниел Рикиардо*	Ред Бул	1:07.780	+ 0.499
7.	Маркус Ериксон	Заубер	1:08.296	+ 1.015
8.	Чарлс Леклерк	Заубер	1:08.492	+ 1.211
9.	Роман Грожан	Хас	1:08.517	+ 1.236
10.	Пјер Гасли	Торо Росо	1:09.029	+ 1.748
Q2 Најбрзо Време: Валтери Ботас - 1:07.727
11.	Кевин Магнусен	Хас	1:08.659	+ 0.932
12.	Серџо Перез	Форс Индија	1:08.741	+ 1.014
13.	Естебан Окон**	Форс Индија	1:08.770	+ 1.043
14.	Нико Хулкенберг	Рено	1:08.834	+ 1.107
15.	Сергеј Сироткин	Вилијамс	1:10.381	+ 2.659
Q1 Најбрзо Време: Макс Ферстапен - 1:08.205
16.	Карлос Саинц ЈР.	Рено	1:09.269	+ 1.064
17.	Брендон Хартли	Торо Росо	1:09.280	+ 1.075
18.	Фернандо Алонсо	Мекларен	1:09.402	+ 1.197
19.	Ленс Строл	Вилијамс	1:09.441	+ 1.236
20.	Штофел Вандорн	Мекларен	1:09.601	+ 1.396
107% време: 1:12.979
* 5 места поназад - нов турбо полнач ** 5 места поназад - промена на менувач 2014 Нико Розберг - Мерцедес АМГ - 1:10.023 2015 Нико Розберг - Мерцедес АМГ - 1:11.282 2016 Луис Хамилтон - Мерцедес АМГ - 1:10.736 2017 Валтери Ботас - Мерцедес АМГ - 1:08.322 2018 Луис Хамилтон - Мерцедес АМГ - 1:07.281 @МкФормула1 - Република Македонија @MkFormula1 - Republic of Macedonia