ВАЛТЕРИ БОТАС АТАКУВА НА СВОЈАТА ПРВА СЕЗОНСКА ПОБЕДА

Валтери Ботас го имаше најбрзото време на вториот тренинг за Големата Награда на Бразил, со 0.003 делови од секундата пред својот тимски колега, Луис Хамилтон. Во близина беше и Себастијан Ветел како трет најбрз, заостанувајќи само 0.073 делови од секундата.

Следуваа Даниел Рикиардо, Макс Ферстапен и Кими Раиконен со заостанување од 3-5 десетинки.

Роман Грожан беше седми, повторно најдобар од останатите, пред Чарлс Леклерк како осми најбрз, додека Кевин Магнусен и Естебан Окон го комплетираа Топ 10 пласманот.

Главна вест на почетокот од сесијата беше излетувањето на Нико Хулкенберг, кога Германецот излезе надвор од рабниците, со двете тркала на тревата низ последниот свиок, по што ја изгуби контролата над неговиот болид, и заврши во бариерите покрај патеката. Тоа доведе до краток период на црвено знаме, но, откако сесијата продолжи, остатокот помина без инциденти и многу комплетирани кругови.

На врвот, Ботас, кој ја имаше Пол позицијата минатата година, изгледаше самоуверен и сигурен, додека Хамилтон беше брз, но сепак имаше поплаки за балансот на неговиот болид. Ветел, исто така, имаше чудна сесија, постојано јавувајќи по тимското радио за некој олабавен предмет меѓу неговите нозе. Што беше тоа останува да се види...

Како и вообичаено, имавме многу блиски времиња на патеката Хозе Карлос Паче, што значи дека најмалата грешка или подесување на болидот, може да резултира со доста голема разлика.

Истото важи и за стратегијата, која може да направи вистинска разлика кога сè друго е толку блиско. Во моментов, тешко е да се даде прогноза за поредокот на возачите, а тимовите користеа многу различни тест програми за време на двете тренинг сесии. Останува во недела да видиме дали тоа ќе резултира со повеќе различни стратегии во трката.

Гумите на Пирели немаа прекумерна деградација, освен појава на блистеринг, кој што не влијаел врз перформансите на болидите. Овој феномен беше видлив на болидите на Ферари, особено тој на Себастијан Ветел.

Тркачкиот викенд во Бразил продолжува утре со третиот тренинг, 15:00 MK и Квалификациската сесија од 18:00 MK.

2018 БРАЗИЛ ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:08.846		48
2	Луис Хамилтон	Мерцедес АМГ	1:08.849	+ 0.003	43
3	Себастијан Ветел	Ферари	1:08.919	+ 0.073	42
4	Даниел Рикиардо	Ред Бул	1:09.164	+ 0.318	44
5	Макс Ферстапен	Ред Бул	1:09.339	+ 0.493	28
6	Кими Раиконен	Ферари	1:09.412	+ 0.567	42
7	Роман Грожан	Хас	1:09.769	+ 0.923	44
8	Чарлс Леклерк	Заубер	1:09.943	+ 1.097	44
9	Кевин Магнусен	Хас	1:10.007	+ 1.161	39
10	Естебан Окон	Форс Индија	1:10.159	+ 1.315	45
11	Серџо Перез	Форс Индија	1:10.320	+ 1.474	23
12	Пјер Гасли	Торо Росо	1:10.330	+ 1.484	44
13	Фернандо Алонсо	Мекларен	1:10.332	+ 1.486	36
14	Карлос Саинц ЈР.	Рено	1:10.458	+ 1.612	48
15	Маркус Ериксон	Заубер	1:10.532	+ 1.686	44
16	Сергеј Сироткин	Вилијамс	1:10.569	+ 1.723	46
17	Штофел Вандорн	Мекларен	1:10.596	+ 1.750	26
18	Ленс Строл	Вилијамс	1:10.662	+ 1.816	44
19	Брендон Хартли	Торо Росо	1:10.734	+ 1.888	46
20	Нико Хулкенберг	Рено	1:11.674	+ 2.828	6
ИСТОРИЈА - ХИБРИДНА ЕРА - ХОЗЕ КАРЛОС ПАЧЕ 2014 Нико Розберг - Мерцедес АМГ - 1:12.123 2015 Нико Розберг - Мерцедес - АМГ 1:12.385 2016 Луис Хамилтон - Мерцедес АМГ - 1:12.271 2017 Луис Хамилтон - Мерцедес АМГ - 1:09.515 2018 Валтери Ботас - Мерцедес АМГ - 1:08.846
@МкФормула1 - Република Македонија @MkFormula1 - Republic of Macedonia

View this post on Instagram

😳🤣 . #Vettel #BrazilGP #F1 #Formula1 #FP2

A post shared by FORMULA 1® (@f1) on Nov 9, 2018 at 10:34am PST