БЛИСКА БОРБА НА ПРВИОТ ТРЕНИНГ ВО БРАЗИЛ

Макс Ферстапен го забележа најбрзото време на првиот тренинг за Големата Награда на Бразил, која се одржува на патеката Хозе Карлос Паче, Сао Пауло. Тој беше за 5 стотинки побрз од Себастијан Ветел на втората и 1 десетинка од Луис Хамилтон на третата позиција од табелата.

Возачите од најбрзите три тима се менуваа во водство во текот на првиот час од сесијата, Даниел Рикиардо, Кими Раиконен, па Валтери Ботас. Сите тројца на крајот беа поминати од своите тимски колеги, кога почнаа стинтовите со супер-меките гуми на Пирели.

Прво, Луис Хамилтон се искачи на врвот, за да биде симнат од Макс Ферстапен. Следуваше Себастијан Ветел, кој успеа само да ги раздели возачот на Ред Бул и Мерцедес АМГ.

Даниел Рикиардо заврши на четвртото место, со скоро четири десетинки побавно време од својот тимски колега, додека Раиконен ја заврши сесијата на петтото место со заостанување од околу половина секунда зад Ферстапен. Сепак, Финецот своето најдоброто време го забележа на меката смеша.

Роман Грожан и Кевин Магнусен го дефинираа тимот на Хас како најдобри од остатокот на гридот, со Французинот на седмото место, три десетинки пред Данецот. Грожан беше последниот возач во рамките на истата секунда со најдоброто време на Ферстапен.

Чарлс Леклерк го забележа деветтото најбрзо време, додека Естебан Окон од Форс Индија беше десетти, со задоцнување од 1.3 секунди.

Вториот тренинг започнува во 18 часот по македонско време, на кој подобро ќе се забележи формата на возачите и нивните болиди.

2018 БРАЗИЛ ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:09.011		16
2	Себастијан Ветел	Ферари	1:09.060	+ 0.049	20
3	Луис Хамилтон	Мерцедес АМГ	1:09.107	+ 0.096	28
4	Даниел Рикиардо	Ред Бул	1:09.395	+ 0.384	23
5	Кими Раиконен	Ферари	1:09.573	+ 0.562	28
6	Валтери Ботас	Мерцедес АМГ	1:09.679	+ 0.668	23
7	Роман Грожан	Хас	1:09.922	+ 0.911	28
8	Кевин Магнусен	Хас	1:10.236	+ 1.225	15
9	Чарлс Леклерк	Заубер	1:10.346	+ 1.335	28
10	Естебан Окон	Форс Индија	1:10.361	+ 1.350	34
11	Карлос Саинц ЈР.	Рено	1:10.662	+ 1.651	34
12	Нико Хулкенберг	Рено	1:10.679	+ 1.668	34
13	Антонио Џовинаци	Заубер	1:10.685	+ 1.674	29
14	Ленс Строл	Вилијамс	1:10.799	+ 1.788	30
15	Пјер Гасли	Торо Росо	1:10.934	+ 1.923	30
16	Ландо Норис	Мекларен	1:11.015	+ 2.002	28
17	Сергеј Сироткин	Вилијамс	1:11.037	+ 2.026	30
18	Брендон Хартли	Торо Росо	1:11.176	+ 2.165	32
19	Штофел Вандорн	Мекларен	1:11.452	+ 2.441	23
20	Николас Латифи	Форс Индија	1:11.493	+ 2.482	34
ИСТОРИЈА - ХИБРИДНА ЕРА - ХОЗЕ КАРЛОС ПАЧЕ 2014 Нико Розберг - Мерцедес АМГ - 1:12.764 2015 Луис Хамилтон - Мерцедес АМГ - 1:13.543 2016 Луис Хамилтон - Мерцедес АМГ - 1:11.895 2017 Луис Хамилтон - Мерцедес АМГ - 1:09.202 2018 Макс Ферстапен - Ред Бул - 1:09.011
@МкФормула1 - Република Македонија @MkFormula1 - Republic of Macedonia