ЛЕКЛЕРК: ИСПОЛНУВАЊЕ НА МОЈОТ СОН

Оваа година, Чарлс Леклерк ќе биде тимски колега на Себастијан Ветел во Ферари. На презентацијата на SF90, Моначанецот рече дека го исполнил својот детски сон и дека е оптимист во врска со новата сезона.

"Се радувам на оваа нова авантура, која беше мој сон од детството. Отсекогаш сум размислувал за Ферари со надеж дека еден ден ќе бидам зад воланот на црвениот болид. Денес е многу емотивен ден за мене. Веќе четири години бев член на Ферари Академијата, тоа искуство ми помогна да напредувам, ментално и физички."

"Имав цел еден ден да се приклучам на овој тим, и тука сум. Не сум загрижен поради фактот што за тимски колега го имам Себастијан Ветел, за мене ова е голема шанса. Тој е Шампион, можам многу да научам од него. Сигурен сум дека не очекува прекрасна сезона. Клучно е да се работи заедно и да постигнеме одлични резултати за тимот. Не се сомневам дека ќе успееме."