ТРЕНИНГ СЕСИИТЕ НАЈАВИЈА БОРБЕН ВИКЕНД ВО КИНА

Мерцедес АМГ и Ферари беа најбрзи на денешните петочни тренинг сесии, најавувајќи добар и борбен викенд од нивна страна. Само се поставува прашањето дали Ферари ПЕ е подготвена да издржи до самиот крај?!?

Себастијан Ветел го забележа најбрзото време на првата тренинг сесијата за ГН на Кина со предност од 0.207 секунди пред второпласираниот Луис Хамилтон од Мерцедес АМГ. Но, треаба да се напомене фактот дека Германецот беше најбрз на побавните медиум гуми, за разлика од Хамилтон кој беше на меките гуми.

Трето најбрзо време имаше Чарлс Леклерк, со околу две десетинки предност пред Макс Верстапен со Ред Бул, кој беше проследен од Валтери Ботас со вториот Мерцедес. Најдобар пласман за Даниел Рикиардо од преселбата во Рено, завршувајќи на 6-тата позиција на табелата, но со големи 1.328 секунди од Ферарито на Ветел.

Најголеми проблеми имаше Антонио Џовинаци, кој при првото излегување на патеката со болидот на Алфа Ромео, остана без моќноста на неговата Ферари ПЕ. Овој проблем го спречи да забележи време на првиот тренинг, а неговите механичари имаа многу работа за да го подготват болидот за настап на вториот тренинг.

ВИДЕО РЕЗИМЕ - ПРВ ТРЕНИНГ

2019 КИНЕСКО ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Себастијан Ветел	Ферари	1:33.911		19
2	Луис Хамилтон	Мерцедес АМГ	1:34.118	+ 0.207	21
3	Чарлс Леклерк	Ферари	1:34.167	+ 0.256	21
4	Макс Верстапен	Ред Бул	1:34.334	+ 0.423	20
5	Валтери Ботас	Мерцедес АМГ	1:34.653	+ 0.742	23
6	Даниел Рикиардо	Рено	1:35.239	+ 1.328	23
7	Пјер Гасли	Ред Бул	1:35.428	+ 1.517	23
8	Данил Квјат	Торо Росо	1:35.447	+ 1.536	24
9	Ленс Строл	Рејсинг Поинт	1:35.467	+ 1.555	25
10	Роман Грожан	Хас	1:35.507	+ 1.596	24
11	Кевин Магнусен	Хас	1:35.517	+ 1.606	25
12	Нико Хулкенберг	Рено	1:35.591	+ 1.680	22
13	Ландо Норис	Мекларен	1:35.631	+ 1.720	24
14	Алекс Албон	Торо Росо	1:35.695	+ 1.784	26
15	Кими Раиконен	Алфа Ромео	1:35.729	+ 1.818	23
16	Карлос Саинц ЈР.	Мекларен	1:35.756	+ 1.845	24
17	Серџо Перез	Рејсинг Поинт	1:35.820	+ 1.909	24
18	Роберт Кубица	Вилијамс	1:36.847	+ 2.936	27
19	Џорџ Расел	Вилијамс	1:37.619	+ 3.708	29
20	Антонио Џовинаци	Алфа Ромео	/	/	2
ИСТОРИЈА - ХИБРИДНА ЕРА - ШАНГАЈ 2014 Фернандо Алонсо - Ферари - 1:39.783 2015 Луис Хамилтон - Мерцедес АМГ - 1:39.033 2016 Нико Розберг - Мерцедес АМГ - 1:38.037 2017 Макс Верстапен - Ред Бул - 1:50.491(д) 2018 Луис Хамилтон - Мерцедес АМГ - 1:33.999 2019 Себастијан Ветел - Ферари - 1:33.911
@МкФормула1 - Република Македонија @MkFormula1 - Republic of Macedonia

Откако Ферари се закани на првиот тренинг, на попладневната сесија, Валтери Ботас покажа дека Мерцедес АМГ не треба да се отпишува така лесно и ќе пружи достојна борба во Кина. Финецот го имаше најбрзото време за само 0.027 делови од секундата пред Ферарито на Себастијан Ветел.

Возачите на Мерцедес имаа неколку изврутвања на патеката, но најбрзото време покажа дека треба да се очекува многу повеќе од нив, особено од Луис Хамилтон, кој заостануваше седум десетинки на 4-тото место на табелата.

Ред Бул е задоволен од перформансите на Макс Верстапен, кој го забележа третото најбрзо време со две десетинки заостанување зад времето на Ботас, и покрај фактот што имаше мали проблеми во последниот свиок при неговиот најбрз круг. Младиот Холанѓанец се соочува со потенцијални проблеми со менувачот на кој се пожали во текот на сесијата.

Чарлс Леклерк беше еден од фаворитите кој не успеа да забележи добар пласман, завршувајќи ја попладневната сесија на седмото место. Моначанецот ја заврши сесијата со само 13 комплетирани круга, откако повторно се појавија "гремлините" во неговиот SF90, па мораше да го паркира во својата гаража за да се извршат детални проверки на системот за ладење на болидот.

Рено и Мекларен имаа добра тренинг сесија, Нико Хулкенберг заврши со 5-тото, додека Карлос Саинц Јр. со 6-то најбрзо време, плус нивните тимски колеги, Ландо Норис и Даниел Рикиардо имаа Топ 10 пласман.

ВИДЕО РЕЗИМЕ - ВТОР ТРЕНИНГ

2019 КИНЕСКО ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:33.330		37
2	Себастијан Ветел	Ферари	1:33.357	+ 0.027	33
3	Макс Верстапен	Ред Бул	1:33.551	+ 0.221	29
4	Луис Хамилтон	Мерцедес АМГ	1:34.037	+ 0.707	32
5	Нико Хулкенберг	Рено	1:34.096	+ 0.767	31
6	Карлос Саинц ЈР.	Мекларен	1:34.141	+ 0.811	35
7	Чарлс Леклерк	Ферари	1:34.158	+ 0.828	13
8	Ландо Норис	Мекларен	1:34.296	+ 0.967	37
9	Даниел Рикиардо	Рено	1:34.336	+ 1.006	32
10	Пјер Гасли	Ред Бул	1:34.455	+ 1.125	32
11	Кими Раиконен	Алфа Ромео	1:34.551	+ 1.221	33
12	Алекс Албон	Торо Росо	1:34.634	+ 1.304	37
13	Данил Квјат	Торо Росо	1:34.694	+ 1.364	19
14	Ленс Строл	Рејсинг Поинт	1:34.779	+ 1.449	37
15	Серџо Перез	Рејсинг Поинт	1:34.784	+ 1.454	35
16	Кевин Магнусен	Хас	1:34.788	+ 1.458	34
17	Роман Грожан	Хас	1:35.704	+ 2.374	32
18	Антонио Џовинаци	Алфа Ромео	1:35.914	+ 2.584	39
19	Роберт Кубица	Вилијамс	1:36.121	+ 2.791	37
20	Џорџ Расел	Вилијамс	1:36.229	+ 2.899	35
ИСТОРИЈА - ХИБРИДНА ЕРА - ШАНГАЈ 2014 Луис Хамилтон - Мерцедес АМГ - 1:38.315 2015 Луис Хамилтон - Мерцедес АМГ - 1:37.219 2016 Кими Раиконен - Ферари - 1:36.896 2017 не се одржа поради дожд 2018 Луис Хамилтон - Мерцедес АМГ - 1:33.482 2019 Валтери Ботас - Мерцедес АМГ - 1:33.330
@МкФормула1 - Република Македонија @MkFormula1 - Republic of Macedonia