ХАМИЛТОН - ЕМОЦИОНАЛНА ПОЛ ПОЗИЦИЈА, ПОСВЕТЕНА НА НИКИ ЛАУДА

Луис Хамилтон ја забележа неговата 85-та Пол позиција, втора оваа сезона, на квалификациите за Големата Награда на Монако со нов рекорд за сегашната конфигурација на патеката. Валтери Ботас, беше побавен за само 0.086 делови од секундата за втората позиција и повторно прв ред за тимот на Мерцедес АМГ. Од вториот ред утрешната трка ќе ја започнат Макс Верстапен и Себастијан Ветел, додека од третиот, Пјер Гасли со Ред Бул и Кевин Магнусен со Хас. Возачот на Ред Бул е под истрага за попречување на Роман Грожан при неговиот брз круг.

Квалификациската сесија речиси секогаш е клучна за исходот на трката во Монте Карло. Претекнувањето е речиси невозможно, па стартниот поредок често го одредува и резултатот на трката. Во последните десет години, освојувачот на Пол позицијата има победено во шест трки.

На вака кратка патека, резултатите секогаш се блиски, борбата се одвива за секоја десетинка од секундата, а желбата да се ризикува малку повеќе, понекогаш носи резултати, но често и малери. Линијата помеѓу успехот и неуспехот е многу тенка во Монако.

Тоа на своја кожа го почувствува Чарлс Леклер кој пред домашната публика имаше неуспешен и малерозен ден. Во Ферари одлучија дека неговиот прв брз круг во Q1 е доволен за понатаможен пласман, но, на крај Моначанецот на изненадување на сите, па дури и сопствениот тим, испадна од понатамошната борба вече во Q1 сесијата.

Чарлс Леклер: "Го прашав тимот дали ќе има уште еден обид, но, ми беше кажано - не, мислиме дека со овој резултат ќе поминеме во втората сесија. Немам објаснување што се случи. Да се ​​соочиш со таква грешка е многу тешко. Имавме доволно време."

"Инцидентот со задолжителното мерење не ме забави воопшто, имаше доволно гориво во резервоарот, беше доволно само да ги смениме гумите. Се надевам дека тимот ќе ми објасни сè. Се надевам дека утре ќе имаме дожд, тогаш трката ќе се претвори во лотарија, а ако имаме суво време таа ќе биде досадна."

"Ќе морам да ризикувам и да возам на самиот лимит на болидот, на работ на излетување, но тоа е единственото нешто што ми преостанува, бидејќи престугнувањето во Монако е неверојатно тешко."

ВИДЕО РЕЗИМЕ НА КВАЛИФИКАЦИИТЕ

ГОЛЕМАТА НАГРАДА НА МОНАКО - КВАЛИФИКАЦИИ
П.	ВОЗАЧ	ТИМ	ВРЕМЕ	РАЗЛИКА
1.	Луис Хамилтон	Мерцедес АМГ	1:10.167
2.	Валтери Ботас	Мерцедес АМГ	1:10.252	+ 0.086
3.	Макс Верстапен	Ред Бул	1:10.641	+ 0.475
4.	Себастијан Ветел	Ферари	1:10.947	+ 0.781
5.	Пјер Гасли	Ред Бул	1:11.041	+ 0.875
6.	Кевин Магнусен	Хас	1:11.109	+ 0.943
7.	Даниел Рикиардо	Рено	1:11.218	+ 1.052
8.	Данил Квјат	Торо Росо	1:11.271	+ 1.105
9.	Карлос Саинц ЈР.	Мекларен	1:11.417	+ 1.251
10.	Алекс Албон	Торо Росо	1:11.653	+ 1.487
Q2 Најбрзо Време: Макс Верстапен - 1:10.680
11.	Нико Хулкенберг	Рено	1:11.670	+ 1.052
12.	Ландо Норис	Мекларен	1:11.724	+ 1.106
13.	Роман Грожан	Хас	1:12.027	+ 1.409
14.	Кими Раиконен	Алфа Ромео	1:12.115	+ 1.497
15.	Антонио Џовинаци	Алфа Ромео	1:12.185	+ 1.567
Q1 Најбрзо Време: Себастијан Ветел - 1:11.434
16.	Чарлс Леклер	Ферари	1:12.149	+ 0.715
17.	Серџо Перез	Рејсинг Поинт	1:12.233	+ 0.799
18.	Ленс Строл	Рејсинг Поинт	1:12.846	+ 1.412
19.	Џорџ Расел	Вилијамс	1:13.477	+ 2.043
20.	Роберт Кубица	Вилијамс	1:13.751	+ 2.317
107% време: 1:16.220
ХИБРИДНА ИСТОРИЈА - МОНТЕ КАРЛО 2014 Нико Розберг - Мерцедес АМГ - 1:15.989 2015 Луис Хамилтон - Мерцедес АМГ - 1:15.098 2016 Даниел Рикиардо - Ред Бул - 1:13.622 2017 Кими Раиконен - Ферари - 1:12.178 2018 Даниел Рикиардо Ред Бул 1:10.810 2019 Луис Хамилтон - Мерцедес АМГ - 1:10.167
@МкФормула1 - Република Македонија @MkFormula1 - Republic of Macedonia

Последни моменти од Q3..