ЏЕЈМИ ЧАДВИК ПОБЕДНИЧКА НА ПРВАТА ТРКА ОД ФОРМУЛА Ж ШАМПИОНАТОТ

Џејми Чадвик е Победничка на првата трка од Формула Ж, новиот шампионат за жени, кој треба да даде шанса, но, и значителни финансиски средства на шампионката кои би помогнале за влез во Формула 1. Британката ги победи Алис Пауел и Марта Гарсија на патеката Хокенхајм.

Со гасење на црвените светла, (за кои добивме впечаток дека се изгаснаа многу брзо, а можеби и неколку натпреварувачки) освојувачката на Пол позицијата имаше добар старт и го задржа водството по првиот свиок, но подоцна на влез од 6-от свиок ги блокираше тркалата, излезе далеку надвор од тркачката линија, по што беше претекната од Сара Мур.

Зад нив, во истиот свиок Меган Гилкс, ги прецени можностите за сопирање, се обиде да претекнува од внатрешната страна, но заврши директно во болидот на Ема Кимиланен, една од фаворитките за победа, која напредуваше низ гридот, по очајно слабиот старт на трката. За двете натпреварувачки тука беше крајот на трката, а беше воведено и безбедносното возило.

По рестартирањето на трката, Џејми Чадвик успеа за брзо време да се врати во водство и иако не се оддалечи премногу од останатите болиди, таа ја контролираше трката до самиот крај и стана првата победничка на Формула Ж Шампионатот.

Алис Пауел, ја претекна Сара Мур по рестартот на трката, за второто место, а моменти подоцна тоа го направи и 18-годишната Марта Гарсија. До крајот на трката Шпанката се обиде да нападне за второто место, но не доби вистинска шанса, па тоа беше конечниот редослед на Победничкиот подиум.

Бајтске Висер, по слабите квалификации, финишираше на четвртото место, пред Сара Мур и Фабиен Волвенд, која стартуваше од втората позиција.

Седмото место го освои Мики Којама, која напредуваше десет позиции по стартот од последниот ред на гридот.

Топ 10 Пласманот на денешната трка беше комплетиран со Тасмин Пепер, Гоша Рдест и Кејтлин Вуд.

Следната трка од Формула Ж Шампионатот се вози за две недели на патеката Золдер, Белгија.

2019 Формула Ж - #WRace1 - Хокенхајм 30 минути + 1 круг, Време: Облачно.
ПЛАСМАН:
П.	ВОЗАЧ	БРОЈ	ВРЕМЕ
1.	Џејми Чадвик	55	32:50.079
2.	Алис Пауел	27	+ 1.329
3.	Марта Гарсија	19	+ 1.692
4.	Бајтске Висер	95	+ 3.473
5.	Сара Мур	26	+ 5.771
6.	Фабиен Волвенд	5	+ 7.049
7.	Мики Којама	85	+ 8.811
8.	Тасмин Пепер	31	+ 17.136
9.	Гоша Рдест	3	+ 18.889
10.	Кејтлин Вуд	20	+ 20.384
11.	Џесика Хокинс	21	+ 21.573
12.	Есми Хоки	2	+ 22.995
13.	Сејбр Кук	37	+ 23.365
14.	Наоми Шиф	99	+ 25.332
15.	Вики Пириа	11	+ 31.757
16.	Шеј Холбрук	67	+ 46.206
БЕЗ ПЛАСМАН:
17.	Ема Кимилаинен	7	судир
18.	Меган Гилкс	49	судир
2019 Џејми Чaдвиk @МкФормула1 - Република Македонија @MkFormula1 - Republic of Macedonia

***ГЕНЕРАЛЕН ПЛАСМАН 1/6***
ВОЗАЧИ:
1.	Џејми Чадвик	25
2.	Алис Пауел	18
3.	Марта Гарсија	15
4.	Бајтске Висер	12
5.	Сара Мур	10
6.	Фабиен Волвенд	8
7.	Мики Којама	6
8.	Тасмин Пепер	4
9.	Гоша Рдест	2
10.	Кејтлин Вуд	1
11.	Џесика Хокинс	0
12.	Есми Хоки	0
13.	Сејбр Кук	0
14.	Наоми Шиф	0
15.	Вики Пириа	0
16.	Шеј Холбрук	0
17.	Ема Кимилаинен	0
18.	Меган Гилкс	0