ФЕРАРИ СО 1-2 ПЛАСМАН, ХАМИЛТОН ГО ОШТЕТИ СВОЈОТ БОЛИД

Чарлс Леклек го предводеше 1-2 пласманот на Ферари на попладневната тренинг сесија за Канадското Гран При во Монтреал, додека лидерот на шампионат, Луис Хамилтон, заврши со својот болид во бариерите покрај патеката.

Британецот излезе прво на медиум гумите, но кога се префлри на меките, го изгуби задниот дел од својот болид низ свиоците 8 и 9, по што го оштети и сесијата за него беше завршена.

Шампионскиот тим беше речиси за секунда побрз од своите ривали во утринските часови, но, тимскиот колега на Хамилтон, Валтери Ботас беше претекнат од двата болиди на Ферари во попладневната нивна пресметка на меките гуми.

Макс Верстапен со помош на тврдите, бели гуми, беше со пласман помеѓу Мерцедесите и Ферари, но неговиот брз круг на меките гуми беше уништен кога налета на својот тимски колега, Пјер Гасли, кој се движеше полека низ последната шикана.

Младиот, но искусен Холанѓанец, влезе широко низ свиокот и го допре ѕидот на шампионите. Иако успеа да се врати во својата гаража, тоа беше крај на неговата сесија и тој заврши на 13-тото место на табелата.

Со Хамилтон и Верстапен долу во поредокот, а Гасли доволно брз за само 12-тата позиција, Мекларен се најде на четвртото место со Карлос Саинц Јр., кој заостануваше само 0.376 делови од секундата зад најбрзото време. Кевин Магнусен го стави Хас во Топ 5 пласман.

Неговиот тимски колега, Роман Грожан и миленикот на домашната публика, Ленс Строл ќе бидат испитани по завршувањето на сесијата за инцидентот во кој двајцата се допреа тркало со тркало, за време на нивниот дуел во последната шикана.

Следуваат Саботниот тренинг и Квалификациите во 20:00 часот по Македонско време, кои треба да ни ги појаснат работите, кои моментално водат кон доминација на Мерцедес АМГ.

ВИДЕО РЕЗИМЕ НА ТРЕНИНГ 2

2019 КАНАДА ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Чарлс Леклер	Ферари	1:12.177		39
2	Себастијан Ветел	Ферари	1:12.251	+ 0.074	38
3	Валтери Ботас	Мерцедес АМГ	1:12.311	+ 0.134	46
4	Карлос Саинц ЈР.	Мекларен	1:12.553	+ 0.376	45
5	Кевин Магнусен	Хас	1:12.935	+ 0.758	41
6	Луис Хамилтон	Мерцедес АМГ	1:12.938	+ 0.761	8
7	Серџо Перез	Рејсинг Поинт	1:13.003	+ 0.826	39
8	Даниел Рикиардо	Рено	1:13.016	+ 0.839	40
9	Нико Хулкенберг	Рено	1:13.168	+ 0.991	42
10	Ленс Строл	Рејсинг Поинт	1:13.171	+ 0.994	37
11	Ландо Норис	Мекларен	1:13.249	+ 1.072	38
12	Пјер Гасли	Ред Бул	1:13.345	+ 1.168	38
13	Макс Верстапен	Ред Бул	1:13.388	+ 1.211	22
14	Алекс Албон	Торо Росо	1:13.436	+ 1.259	45
15	Даниел Квјат	Торо Росо	1:13.521	+ 1.344	40
16	Кими Раиконен	Алфа Ромео	1:13.542	+ 1.365	41
17	Роман Грожан	Хас	1:13.598	+ 1.421	39
18	Антонио Џовинаци	Алфа Ромео	1:14.870	+ 2.693	16
19	Џорџ Расел	Вилијамс	1:15.036	+ 2.859	36
20	Роберт Кубица	Вилијамс	1:15.287	+ 3.110	44
ИСТОРИЈА - ХИБРИДНА ЕРА - ЖИЛ ВИЛНЕВ 2014 Луис Хамилтон - Мерцедес АМГ - 1:16.118 2015 Луис Хамилтон - Мерцедес АМГ - 1:15.988 2016 Луис Хамилтон - Мерцедес АМГ - 1:14.212 2017 Кими Раиконен - Ферари - 1:12.935 2018 Макс Верстапен - Ред Бул - 1:12.198 2019 Чарлс Леклер - Ферари - 1:12.177
@МкФормула1 - Република Македонија @MkFormula1 - Republic of Macedonia