МЕРЦЕДЕС БЕНЦ - 125 ГОДИНИ МОТОСПОРТ

Пежо што му припаѓа на Алберт Леметр (стартен број 65). Овој Пежо автомобил, придвижуван од мотор произведен под Дајмлер лиценца ја преминал целната линија на второ место, но бил првиот автомобил со мотор со внатрешно согорување и ја добил заедничката прва награда.

Точно пред 125 години, се одржал првиот мотоспорт настан. Во чест на овој јубилеј од Мерцедес АМГ решија да ни ги презентираат некои од поважните настани во нивната тркачка историја.

Овој автомобил Panhard & Levassor (стартен број 13) со 3.5-литарски Daimler мотор го освои четвртото место.

Пред 125 години - Раѓање на Мотоспортот

Утрото на 22 јули 1894 година, пред 125 години, 21 храбри возачи ги наредија своите возила на булеварот Мајолот, веднаш до Буа де Булоњ во Париз. Со почеток во 8 часот, заедно со голем број патници во нивните автомобили ќе се натпреваруваат во она што ќе биде прва автомобилска трка - трка на издржливост, која се одржа на 127 километри јавни патишта од Париз до Руан.

Илјадници гледачи дојдоа да бидат сведоци на настанот и го направија стартот многу незгоден бидејќи патиштата не беа затворени за јавноста. Во извештајот подоцна се вели: "Конвојот е воден, следен и гонет од бројни велосипедисти, исто така, од страна на голем број возила со механички погонски систем кои се справуваат со маршрутата како аматери."

Panhard & Levassor

Настанот беше организиран од францускиот весник "Le Petit Journal", а прописите беа формулирани со прилично широки термини, ветувајќи победа за кочија без коњи, која нема да биде опасна, лесна за возење и евтина за одржување за време на патувањето.

По паузата за ручек во Мантес, првиот автомобил стигна до финишот во 17:40 часот, по што следеа уште 16 возила кои што ја завршија трката. Девет од 17-те финалисти беа придвижувани од 3.5 КС (2.6 kW), двоцилиндрични V-мотори кои биле измислени од Готлиб Дајмлер и биле произведени во Франција според неговите првични планови. Автомобилот со 5 КС (3.7 kW) Бенц беше исто така меѓу возилата што ја завршија трката.

Првата награда им беше доделена на конкурентите "чиј автомобил е најблизок до идеалниот" наведен во прописите и беше доделена на два Француски производители на автомобили, Panhard and Levassor и Пежо.

Двете возила беа придвижувани од "Système Daimler" - моторот на Готлиб Дајмлер со 3.5 КС. Во образложението, судиите ја пофалија иновацијата на Дајмлер: "Моторот Дајмлер, развиен од надарен инженер од Виртемберг, г-дин Дајмлер, кој беше присутен вчера во Руан за да учествува во триумфот на своето дело, го претвори бензинот во практично решение."

Пред 133 години - 1886 - Измислен првиот автомобил.
Реклама за Бенц Патентирани автомобили:
Направен во Манхајм - првиот автомобил во светот - Бенц-патентниот модел, модел 3.
Изграден е во вкупно три варијанти од 1886 до 1894 година.