ПЈЕР ГАСЛИ СЕ НАЛУТИ, НАЈБРЗ НА ПРВИОТ ТРЕНИНГ

Непредвидлив распоред на првата тренинг сесија за Големата Награда на Британија. Во последните моменти Пјер Гасли го забележа најбрзото време, скоро половина секунда, пред Валтери Ботас и Макс Верстапен. Па така, иако Мерцедес АМГ изгледаше како најбрзиот тим на асфалтот, Ред Бул заврши на врвот на табелата, додека Ферари се уште не го има покажано својот потенцијал.

Секако дека Мерцедес АМГ не направи чисти, репрезентативни квалификациски кругови, но сепак на незгодниот нов асфалт, на Французинот во Австрискиот тим треба да му се одаде признание за неговиот труд.

Навистина незгодна прва тренинг сесија во Силверстоун, со новата асфалтна површина која создаваше проблеми на возачите. Речиси сите од нив имаа свои моменти, за на крај да добиеме оценка од Луис Хамилтон дека патеката сеуште ги има своите нерамнини.

Механичарите на Алфа Ромео ќе имаат полни раце работа, кои треба да ја сменат погонската единица во болидот на Кими Раиконен, кој беше принуден да застане на патеката. Прашање на време е дали тие ќе можат да го оспособат на време за почеток на вториот тренинг.

Роман Грожан имаше уште еден легендарен момент, на кој што нема да посакува да се сеќава. Французинот го загуби задниот дел од неговиот VF-19, на излезот од боксевите и го уништи предното крило по судирот со бариерите покрај пит-линијата. Момент на декоцентрација која може да го чини многу...

Вториот слободен тренинг кој треба да ни донесе многу порелевантни времиња како показател за перформансите на болидите ќе започне во 15:00 часот по македонско време.

2019 БРИТАНСКО ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Пјер Гасли	Ред Бул	1:27.173		24
2	Валтери Ботас	Мерцедес АМГ	1:27.629	+ 0.456	29
3	Макс Верстапен	Ред Бул	1:28.009	+ 0.836	21
4	Луис Хамилтон	Мерцедес АМГ	1:28.122	+ 0.949	25
5	Чарлс Леклерк	Ферари	1:28.253	+ 1.080	21
6	Себастијан Ветел	Ферари	1:28.304	+ 1.131	21
7	Нико Хулкенберг	Рено	1:28.803	+ 1.630	21
8	Даниел Рикиардо	Рено	1:29.031	+ 1.858	24
9	Алекс Албон	Торо Росо	1:29.093	+ 1.920	26
10	Карлос Саинц ЈР.	Мекларен	1:29.162	+ 1.989	31
11	Ландо Норис	Мекларен	1:29.170	+ 1.997	23
12	Серџо Перез	Рејсинг Поинт	1:29.453	+ 2.280	27
13	Даниел Квјат	Торо Росо	1:29.500	+ 2.327	26
14	Ленс Строл	Рејсинг Поинт	1:29.657	+ 2.484	25
15	Антонио Џовинаци	Алфа Ромео	1:30.099	+ 2.926	24
16	Кевин Магнусен	Хас	1:30.605	+ 3.432	24
17	Џорџ Расел	Вилијамс	1:30.741	+ 3.568	24
18	Кими Раиконен	Алфа Ромео	1:30.747	+ 3.574	11
19	Роман Грожан	Хас	1:30.811	+ 3.638	22
20	Роберт Кубица	Вилијамс	1:32.121	+ 4.948	26
ВИДЕО РЕЗИМЕ - ТРЕНИНГ 1 ИСТОРИЈА - ХИБРИДНА ЕРА -СИЛВЕРСТОУН 2014 Луис Хамилтон - Мерцедес АМГ - 1:34.508 2015 Нико Розберг - Мерцедес АМГ - 1:34.155 2016 Луис Хамилтон - Мерцедес АМГ - 1:31.660 2017 Валтери Ботас - Мерцедес АМГ - 1:29.106 2018 Луис Хамилтон - Мерцедес АМГ - 1:27.487 2019 Пјер Гасли - Ред Бул - 1:27.173
@МкФормула1 - Република Македонија @MkFormula1 - Republic of Macedonia