ФИНАЛНА ТРКА ВО ФОРМУЛА Ж ШАМПИОНАТОТ

Од шесте патеки кои се дел од инаугуративниот календар на Формула Ж, Брендс Хеч е една од најпознатите. Патеката беше домаќин на Британското Гран При од 1964 до 1986 година и двапати беше домаќин на Европското ГП, 1983 и 1985 година. Списокот на возачи кои победиле на овие трки содржи имиња како: Кларк, Брабам, Риндт, Фитипалди, Шектер, Лауда, Ројтеман, Пике, Менсел.

Тоа е патека, на која за прв пат се одржувале трки во 20-тите години на минатиот век, а од тогаш има многу мали промени во конфигурацијата, што значи дека возачите плаќаат голема цена за мали грешки.

Асфалтната површина е тесна, а многу од свиоците се поминуваат со голема брзина. Затоа тоа е совршено место за решавачката трка за Шампионската Титула во првиот шампионат во Формула Ж. За дебитант или легенда на Ф1, освојувањето на „Брендс Хеч“ има специјално значење.

КРАТКО ИНФО ЗА ТРКАТА
КАДЕ	БРЕНДС ХЕЧ, В.БРИТАНИЈА
КОГА	10-11 АВГУСТ
САБОТА 10 АВГУСТ	ТРЕНИНГ 1 11:00 МК ТРЕНИНГ 2 16:40 МК
НЕДЕЛА 11 АВГУСТ	КВАЛИФИКАЦИИ 11:30-11:55 МК ТРКА 16:10 МК

Најголемиот дел од фокусот на последната трка од 2019 календарот ќе биде насочен кон битката за Титулата помеѓу Џејми Чадвик и Бајтске Висер, но, значаен е и останатиот редослед на табелата. Најдобрите 12 во генералниот пласман ќе бидат поканети да земат учество во 2020 сезоната на Формула Ж Шампионатот, кога ќе се освојуваат и бодови за Ф1 супер лиценците на ФИА.

Британката има предност од 13 поени во однос на Холанѓанката на врвот на табелата, па со оглед на тоа Џејми Чадвик е силен фаворит за 500.000 долари награда за Шампионката.

Џејми забележа две Победи со тековниот Шампионат, Хокенхајм и Мисано, и заврши на подиумот на секоја трка, додека Бајтске Висер беше победничка во Золдер и заврши на второто место во Мисано и Норисринг. Тие се блиски пријателки, но исто така и жестоки ривалки на патеката.

Само Џејми или Бајтске можат да ја освојат првата награда од 500.000 американски долари, но Холанѓанката ќе треба внимава на Шпанката, Марта Гарсија, која има теоретски шанси за второто место.

Разликата меѓу пласманот на четвртото и осмото место е 40.000 американски долари и натпреварувачките кои ќе забележат поени на оваа трка би можеле да напредуваат многу во Топ 10 пласманот.

Наградниот фонд ќе биде распореден на следниот начин:
1. 500.000 $;
2. 250.000 $;
3. 125.000 $;
4. 100.000 $;
5. 90.000 $;
6. 80,000 $;
7. 70.000 $;
8. 60.000 $,
9. 50.000 $;
10. 40.000 $;
11. 30.000 $;
12. 25.000 $;
13. 20.000 $;
14. 15.000 $;
15-18. 7.500 $;
Резерви. 7.500 $.