2019 СИНГАПУРСКО ГП: МАКС ВЕРСТАПЕН НАЈБРЗ НА ПРВИОТ ТРЕНИНГ

Тимот на Ред Бул ја гледа оваа трка како место каде имаат шанси да стигнат до Победа и според резултатите на првиот тренинг изгледа дека имаат потполно право на тоа.

Макс Верстапен заврши на врвот на табелата, забележувајќи го најбрзото време на црвените гуми на Пирели. Себастијан Ветел и Луис Хамилтон ги заокружуваат најбрзите тројца возачи, со седум десетинки разлика помеѓу нив.

Валтери Ботас, кој го забележа 4-тото најбрзо време, некако ја немаше препознатливата Финска ладнокрвност, па повеќе пати беше потсетуван од неговите инженери да не форсира по правливите области, по направените неколку невообичаени грешки.

Тоа не вроди со плод, па на крај Финецот заврши во заштитните бариери покрај патеката при 19-от свиок. "Извинете момци...", беше почетокот на цензурираната натамошна негова порака по тимското радио.

Toj влезе премногу агресивно во свиокот, го губи задниот дел и заврши во бариерите.

Проблеми за Леклер! Неговиот тимски колега, Себастијан Ветел имаше добра сесија, додека младиот Моначанец бавно се упати кон својата гаража, најверојатно со проблеми со менувачот.

Солиден почеток на викендот за Нико Хулкенберг со болидот на Рено. Германецот е под голем притисок да обезбеди возачко место за следната сезона, но тоа не го спречи да биде далеку побрз од неговиот тимски колега, Даниел Рикиардо кој некако не беше задоволен со однесувањето на RS19.

Вториот тренинг ќe се одвива во порепрезентативни услови кои ќе владеат за време на квалификациите и трката, ќе започне под светла во 20:30 по локално време, 14:30 по наше, македонско време.

2019 СИНГАПУР ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Верстапен	Ред Бул	1:40.259		22
2	Себастијан Ветел	Ферари	1:40.426	+ 0.167	23
3	Луис Хамилтон	Мерцедес АМГ	1:40.925	+ 0.667	26
4	Валтери Ботас	Мерцедес АМГ	1:41.336	+ 1.077	14
5	Алекс Албон	Ред Бул	1:41.467	+ 1.208	24
6	Нико Хулкенберг	Рено	1:41.812	+ 1.553	26
7	Карлос Саинц ЈР.	Мекларен	1:41.967	+ 1.707	20
8	Ландо Норис	Мекларен	1:42.180	+ 1.921	19
9	Даниел Квјат	Торо Росо	1:42.305	+ 2.046	26
10	Пјер Гасли	Торо Росо	1:42.377	+ 2.118	24
11	Даниел Рикиардо	Рено	1:42.527	+ 2.268	20
12	Роман Грожан	Хас	1:42.630	+ 2.371	23
13	Антонио Џовинаци	Алфа Ромео	1:42.677	+ 2.418	15
14	Кими Раиконен	Алфа Ромео	1:42.786	+ 2.527	14
15	Ленс Строл	Рејсинг Поинт	1:42.791	+ 2.532	28
16	Кевин Магнусен	Хас	1:43.150	+ 2.891	22
17	Роберт Кубица	Вилијамс	1:43.336	+ 3.077	28
18	Серџо Перез	Рејсинг Поинт	1:43.369	+ 3.110	21
19	Чарлс Леклер	Ферари	1:43.618	+ 3.359	12
20	Џорџ Расел	Вилијамс	1:43.993	+ 3.734	29
ИСТОРИЈА - ХИБРИДНА ЕРА - МАРИНА БЕЈ 2014 Фернандо Алонсо - Ферари - 1:49.056 2015 Нико Розберг - Мерцедес АМГ - 1:47.995 2016 Макс Ферстапен - Ред Бул - 1:45.823 2017 Даниел Рикиардо - Ред Бул - 1:42.489 2018 Даниел Рикиардо - Ред Бул - 1:39.711 2019 Макс Верстапен - Ред Бул - 1:40.259
@МкФормула1 - Република Македонија @MkFormula1 - Republic of Macedonia