ДАЛИ РЕД БУЛ ЌЕ БИДЕ ВО МОЖНОСТ ДА СЕ БОРИ ЗА ПОБЕДА?!?

Вториот тренинг се одржа во вистинските услови со кои возачите ќе се соочат на квалификациската сесија и неделната трка. Луис Хамилтон го забележа најбрзото време со 0.184 делови од секундата преднст во однос на Макс Верстапен. Себастијан Ветел на третата позиција со речиси секунда заостанување.

Според тркачкото темпо, пресметано според времињата забележани на оваа сесија, Победникот е веќе познат!!! Тоа ќе биде еден од двата возачи на Мерцедес АМГ, чиј болид има предност од 8 десетинки во однос на Ред Бул и речиси 1.5 секунда во однос на Ферари на црвените гуми. Кога се во прашање жолтите гуми разликата е помала, но релативно висока.

Валтери Ботас заврши на четвртото место, пред Алекс Албон со Ред Бул, кој го загуби предното крило рано во сесијата кога неговите предни тркала блокираа при сопирање и тој заврши во заштитната бариера на влез во 10-от свиок, но тоа беше единствената штета на неговиот RB15.

Проблемите на Чарлс Леклер со менувачот на своето Ферари беа решени, но, Моначанецот заврши на шестото место, со 1.245 секунди заостанување зад Хамилтон. Двајцата возачи на Италијанскиот тим беа фрустрирани од сообраќајната гужва на патеката.

Карлос Саинц Јр. константно е меѓу најбрзите возачи во средината на поредокот и беше само десетинка побавен од Ферарито на Леклер, но пред ривалот од Рено, Нико Хулкенберг.

Ландо Норис беше деветти на втората сесија, а најбрзите 10 возачи ги заокружи Пјер Гасли, со болидот на Торо Росо.

Имавме помал инцидент кога настинатиот Серџо Перез го притисна Кевин Магнусен кон заштитните бариери. Стјуардите го забележаа настанот и двајцата возачи беа повикани да се јават на рапорт по сесијата.

Тркачкиот викенд во Сингапур на патеката Марина Беј продолжува со саботниот тренинг и Квалификациите, кои започнуваат во 15:00 часот по македонско време.

2019 СИНГАПУР ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:38.773		29
2	Макс Верстапен	Ред Бул	1:38.957	+ 0.184	29
3	Себастијан Ветел	Ферари	1:39.591	+ 0.818	31
4	Валтери Ботас	Мерцедес АМГ	1:39.894	+ 1.121	30
5	Алекс Албон	Ред Бул	1:39.943	+ 1.170	30
6	Чарлс Леклер	Ферари	1:40.018	+ 1.245	31
7	Карлос Саинц ЈР.	Мекларен	1:40.145	+ 1.372	33
8	Нико Хулкенберг	Рено	1:40.324	+ 1.551	30
9	Ландо Норис	Мекларен	1:40.361	+ 1.588	35
10	Пјер Гасли	Торо Росо	1:40.637	+ 1.864	32
11	Даниел Квјат	Торо Росо	1:40.715	+ 1.940	32
12	Даниел Рикиардо	Рено	1:40.811	+ 2.038	30
13	Серџо Перез	Рејсинг Поинт	1:40.875	+ 2.102	29
14	Антонио Џовинаци	Алфа Ромео	1:41.128	+ 2.355	35
15	Ленс Строл	Рејсинг Поинт	1:41.128	+ 2.355	31
16	Кими Раиконен	Алфа Ромео	1:41.232	+ 2.459	28
17	Роман Грожан	Хас	1:41.392	+ 2.619	26
18	Џорџ Расел	Вилијамс	1:41.445	+ 2.672	35
19	Кевин Магнусен	Хас	1:41.564	+ 2.791	30
20	Роберт Кубица	Вилијамс	1:42.177	+ 3.404	35
ИСТОРИЈА - ХИБРИДНА ЕРА - МАРИНА БЕЈ 2014 Луис Хамилтон - Мерцедес АМГ - 1:47.490 2015 Данил Квјат - Ред Бул - 1:46.142 2016 Нико Розберг - Мерцедес АМГ - 1:44.152 2017 Даниел Рикиардо - Ред Бул - 1:40.852 2018 Кими Раиконен - Ферари - 1:38.699 2019 Луис Хамилтон - Мерцедес АМГ - 1:1:38.773
@МкФормула1 - Република Македонија @MkFormula1 - Republic of Macedonia