Тимот го задржа истиот двоец на возачи, но и техничкиот персонал, па клучна тема на церемонијата беше стабилноста, поврзувајќи ја со надеж за натамошен напредок.
Андреас Зајдл, тимски шеф: "Презентацијата на новиот болид е важен момент за тимот. Синоќа, по повеќемесечна работа во која учествуваа сите вработени во Мекларен, тие прв пат го видоа MCL35 пред да го покажеме пред пошироката јавност. Секој од нив инвестираше многу труд во развојот и производството на MCL35 за да го подготвиме навреме за предсезонските тест сесии."
"Денес направивме уште еден чекор напред. Важно е да не се опуштиме премногу, затоа што претстои напорна сезона. Во Формула 1, ништо не е лесно, а во средината на табелата се одвива многу остро ривалство. Ќе имаме само шест тест дена за да се подготвиме за почетокот на новата сезона, но Карлос, Ландо и целиот тим имаат борбен дух."
Минатата година Мекларен беше еден од првите тимови што ја потврдија возачката постава, Карлос Саинц Јр. и Ландо Норис.
"Забележителниот чекор напред направен минатата сезона беше огромна мотивација за сите, но во исто време и потсетник за тоа колку е интензивна борбата во средината на поредокот. Не можеме да си дозволиме да седиме со сксртени раце во 2020 година, ако сакаме да ја намалиме разликата до водечките три тима."
"Целта е да направиме еден чекор понатаму оваа сезона. Со нетрпение ги чекам тест сесиите во Барселона и продолжувањето на позитивната динамика што ја видовме минатата година."
"Дебитантската сезона ми даде неверојатно искуство, научив многу од тимот и Карлос. Пред почетокот на мојата втора Ф1 сезона, јас имам поголема самодоверба во моите тркачки способности, како и мојот фидбек до инженерите. Ние ќе продолжиме да го подобруваме болидот во текот на сезоната."
"Сè уште не поставивме цел за оваа година, знаеме дека е тешко да се задржи освоеното четврто место од минатата година, но јас сум љубопитен какви позиции ќе заземеме во однос на водечките тимови на тест сесиите и трките."
