ФЕРАРИ НАЈБРЗ, РОЗЕВИОТ МЕРЦЕДЕС ПРОДОЛЖУВА ДА ИМПРЕСИОНИРА

Себастијан Ветел со болидот на Ферари го забележа најбрзото време на претпоследниот ден од претсезонските тест сесии, додека погонската единица на Мерцедес, барем кај болидите на сребрените стрели, ги покажа првите знаци на проблеми. Луис Хамилтон по само 14 комплетирани круга беше принуден да застане на патеката.

Германецот во тимот на Ферари, најбрзото време го забележа со помош на C5 смешата, најмеката во 2019/20 палетата на Пирели. Пјер Гасли со АлфаТаури на истата таа смеша беше за 0.225делови од секундата побавен, додека Ленс Строл со розевиот Мерцедес беше трет најбрз. Возачот на Рејсинг Поинт, тимот кој најмногу покажа на овие тест сесии, имаше заостанување од само 0.277секунди, но на далеку побавната C3 смеша.

Валтери Ботас во утринскиот дел од сесијата комплетираше задоволителен број на кругови, но, првите проблеми за Мерцедес АМГ беа најавени со многу подолгата од планираното пауза за ручек. Кога Шампионот конечно се најде на асфалтот, на средината од попладневната сесија, по само 14 круга, тој мораше да го застане W11 на патеката, поради аномалија на податоците од притисокот на маслото.

За прв пат во текот на еден тест ден, Мерцедес АМГ не беше на врвот по изминати километри, додека нивниот клон RP20 се покажува во се подобро светло. Тимот на Рејсинг Поинт се чинеше дека е близу до перформансите на Ферари, како при квалификациско темпо, така и при долгите стинтови. Ќе биде интересно да се види нивниот пласман на трката во Австралија.

Во утринските часови патеката беше влажна по дождот кој паѓаше во текот на ноќта, па така во првиот час од сесијата возачите ги испробаа интермедиа гумите на Пирели, но без премногу акција на патеката.

Вистинската акција продолжи кога асфалтот се исуши, но, тука беа силните налети на ветер и црвените знамиња да ги прекинат планираните тест програми на тимовите.

Првото црвено знаме беше предизвикано од страна на Антонио Џовинаци, кој со болидот на Алфа Ромео заврши во заштитните бариери покрај свиоците 3 и 4, оштетувајќи го задното крило.

Најверојатно од силните налети на ветер кај 5от свиок, проблеми имаа и најдобрите болиди и возачи. Прв чакалот покрај овој свиок го испита Валтери Ботас, по што Финецот успеа да се врати на асфалтот, додека тоа не му успеа на Макс Верстапен.

Болидот на Ред Бул остана заглавен во чакалот, по што следеше втор период на црвени знамиња. При крајот од утринскиот дел, тука излета и Себастијан Ветел, кој се врати на патеката, но, повторно се појавија црвени знамиња затоа што имаше расфрлано премногу чакал на патеката.

Еден од тимовите кој ретко го споменуваме во овие извештаи е Мекларен, кој никако да ги покаже своите можности, но тоа лесно може да се каже и за повеќето тимови. Карлос Саинц Јр. вели дека утре ќе се покаже нивната брзина.

За Ветел, Норис, Строл, Џовинаци, Гасли и Латифи тестовите завршија, а останатите ќе ја завршат својата програма утре на последниот тест ден.

2020 БАРСЕЛОНА II ТЕСТ СЕСИЈА - ДЕН 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Себастијан Ветел	Ферари	1:16.841		145(C5)
2	Пјер Гасли	АлфаТаури	1:17.066	+ 0.225	139(C5)
3	Ленс Строл	Рејсинг Поинт	1:17.118	+ 0.277	130(C3)
4	Николас Латифи	Вилијамс	1:17.315	+ 0.472	160(C5)
5	Ландо Норис	Мекларен	1:17.573	+ 0.732	113(C3)
6	Макс Верстапен	Ред Бул	1:17.738	+ 0.897	31(C2)
7	Валтери Ботас	Мерцедес АМГ	1:17.985	+ 1.144	47(C3)
8	Естебан Окон	Рено	1:18.015	+ 1.172	37(C4)
9	Кевин Магнусен	Хас	1:18.225	+ 1.384	111(C3)
10	Алекс Албон	Ред Бул	1:18.393	+ 1.552	61(C2)
11	Даниел Рикиардо	Рено	1:18.395	+ 1.554	59(C3)
12	Антонио Џовинаци	Алфа Ромео	1:19.670	+ 2.829	92(C3)
13	Луис Хамилтон	Мерцедес АМГ	1:22.425	+ 5.584	14(C3)
ВИДЕО РЕЗИМЕ НА ВТОРИОТ ДЕН @МкФормула1 - Република Македонија @MkFormula1 - Republic of Macedonia

2020 БАРСЕЛОНА II ТЕСТ СЕСИЈА - ДЕН 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Роберт Кубица	Алфа Ромео	1:16.942		53(C5)
2	Макс Верстапен	Ред Бул	1:17.347	+ 0.405	83(C3)
3	Серџо Перез	Рејсинг Поинт	1:17.428	+ 0.486	84(C3)
4	Даниел Квјат	АлфаТаури	1:17.456	+ 0.514	61(C3)
5	Пјер Гасли	АлфаТаури	1:17.540	+ 0.598	25(C4)
6	Алекс Албон	Ред Бул	1:17.550	+ 0.608	29(C2)
7	Луис Хамилтон	Мерцедес АМГ	1:17.562	+ 0.620	89(C2)
8	Ленс Строл	Рејсинг Поинт	1:17.787	+ 0.845	43(C3)
9	Валтери Ботас	Мерцедес АМГ	1:18.100	+ 1.158	90(C3)
10	Себастијан Ветел	Ферари	1:18.115	+ 1.171	84(C3)
11	Даниел Рикиардо	Рено	1:18.214	+ 1.272	53(C2)
12	Карлос Саинц Јр.	Мекларен	1:18.221	+ 1.279	46(C3)
13	Чарлс Леклерк	Ферари	1:18.244	+ 1.302	80(C3)
14	Николас Латифи	Вилијамс	1:18.300	+ 1.358	48(C4)
15	Џорџ Расел	Вилијамс	1:18.535	+ 1.593	58(C3)
16	Роман Грожан	Хас	1:18.670	+ 1.728	107(C3)
17	Ландо Норис	Мекларен	1:18.826	+ 1.884	56(C2)
18	Кими Раиконен	Алфа Ромео	1:19.515	+ 2.573	51(C3)
19	Естебан Окон	Рено	1:21.542	+ 4.600	74(C2)
ВИДЕО РЕЗИМЕ НА ПРВИОТ ДЕН @МкФормула1 - Република Македонија @MkFormula1 - Republic of Macedonia

SOUND ON!!! Сите 10 Болиди во Акција

2020 БАРСЕЛОНА I ТЕСТ СЕСИЈА - КОРЕГИРАНИ ВРЕМИЊА
П.	ВОЗАЧ	ТИМ	ВРЕМЕ	РАЗЛИКА	СМЕША
1	Луис Хамилтон	Мерцедес АМГ	1:15.076		C5
2	Валтери Ботас	Мерцедес АМГ	1:15.732	+ 0.656	C5
3	Макс Верстапен	Ред Бул	1:15.736	+ 1.660	C5
4	Даниел Квјат	АлфаТаури	1:15.798	+ 0.722	C5
5	Карлос Саинц Јр.	Мекларен	1:15.942	+ 0.867	C5
6	Даниел Рикиардо	Рено	1:15.973	+ 0.897	C5
7	Алекс Албон	Ред Бул	1:16.012	+ 0.936	C5
8	Серџо Перез	Рејсинг Поинт	1:16.147	+ 1.071	C5
9	Пјер Гасли	АлфаТаури	1:16.221	+ 1.145	C5
10	Ленс Строл	Рејсинг Поинт	1:16.382	+ 1.306	C5
11	Естебан Окон	Рено	1:16.502	+ 1.426	C5
12	Џорџ Расел	Вилијамс	1:16.968	+ 1.892	C5
13	Чарлс Леклер	Ферари	1:17.089	+ 2.015	C5
14	Кими Раиконен	Алфа Ромео	1:17.091	+ 2.015	C5
15	Роман Грожан	Хас	1:17.180	+ 2.104	C5
16	Себастијан Ветел	Ферари	1:17.184	+ 2.108	C5
17	Роберт Кубица	Алфа Ромео	1:17.186	+ 2.110	C5
18	Ландо Норис	Мекларен	1:17.254	+ 2.178	C5
19	Кевин Магнусен	Хас	1:17.267	+ 2.190	C5
20	Антонио Џовинаци	Алфа Ромео	1:17.469	+ 2.393	C5
21	Николас Латифи	Вилијамс	1:17.782	+ 2.706	C5
C5/C4/0.6 C5/C3/1.2 C5/C2/1.9 секунди @МкФормула1 - Република Македонија @MkFormula1 - Republic of Macedonia