Кога Формула 1 карванот ќе се врати на патеките овој викенд во Австрија, тоа ќе го стори во свет кој претрпе значајни промени, откако тимовите последен пат се собраа во Мелбурн на почетокот на март.
Тимовите од врвниот мотоспорт едногласно одговорија кон глобалната пандемија на коронавирусот преку проектот наречен "Pitlane project", кој го искомбинира најдоброто што секој Формула 1 тим можеше да го понуди.
Од друга страна според Мерцедес АМГ во изминатите пет недели, движењето "Black Lives Matter" кое доби значајно место во медиумите, покажало дека се потребни нови мерки и активности во борбата против расизмот и сите форми на дискриминација.
Како тим, изминатите недели ги сослушале своите членовите, да научат каков е нивниот тим денес, и каков би сакале да биде во иднина. При тоа откриле дека само три проценти од нивната работна сила се идентификува како припадност на малцинските етнички групи и само 12% се жени.
Затоа тимот во иднина преку позитивно делување ќе се обиде да изнајде начини за да привлече таленти од сите сфери на општеството.
Пред почетокот на 2020 сезоната, Мерцедес АМГ се реши за нови ALLBLACK бои на својот болид, како јавен залог за подобрување на различностите во нивниот тим и јасна изјава дека се против расизмот и сите форми на дискриминација. Написот "End Racism" ќе се појави на ХАЛО-системот на двата болиди, а заедничката Ф1 иницијатива #WeRaceAsOne ќе биде претставена на огледалата на W11.
Пред крајот на оваа сезона, Мерцедес АМГ ќе објави програма за разновидност и интеграција, која ќе вклучува, но нема да биде ограничена на: продолжување на слушање и подигнување на свеста на членовите на нивниот тим, вештачење на процесите за вработување и развој, соработка со клучните засегнати страни на спортот за подобрување на пристапноста до врвниот мотоспорт и насочени иницијативи за охрабрување и поддржување талентираните луѓе од недоволно застапени средини кои се стремат да стигнат до Формула 1.
Тото Волф, тимски шеф на Мерцедес АМГ: "Расизмот и дискриминацијата немаат место во нашето општество, нашиот спорт или нашиот тим: ова е суштинско верување на Мерцедес. Ќе го искористиме нашиот глас и нашата глобална платформа за да зборуваме за почит и еднаквост."
"Сребрените стрели ќе се тркаат во црно за време на целата 2020 сезона како јавна заложба преку преземање позитивни активности. Луис и Валтери ќе се натпреваруваат во црн комбинезон за сезоната 2020, при што обајцата возачи ги адаптираат и нивните дизајни на кацигите.".
Валтери Ботас, возач на Мерцедес АМГ: "Формула 1 е свет кој е дефиниран со перформанси, но сепак содржи многу бариери за луѓе кои потекнуваат од средини кои традиционално не биле дел од овој спорт. Знаеме дека нашите тимови се посилни кога се претставник на општеството од кое сме дел, и важно е за нас да бидеме обединети и да ја покажеме нашата посветеност за промени. Расизмот и дискриминацијата немаат место во нашиот спорт или во нашето општество."
СРЕБРЕНИТЕ СТРЕЛИ СТАНУВААТ ЦРНИ ЗА 2020 СЕЗОНАТА
6/29/2020 05:30:00 PM
0
Share to other apps