2020 СЕЗОНА - СТАРТ НА ПАТЕКАТА РЕД БУЛ РИНГ

По долгата пауза од над 3 месеци поради Ковид-19, Циркусот на Формула 1 е подготвен да започне одново и тоа ќе го стори со две трки на Австриската патека Ред Бул Ринг.

Патеката се наоѓа на Алпите на надморска височина од околу 660 метри. Патеката има STOP/GO карактеристики, со висока просечна брзина, висока максимална брзина и средно побарување во однос на потисната сила.

Таа е спој на брзи правци со бавни и средно брзи свиоци, т.е. основата ја чинат 4-те правци кои завршуваат со остри свиоци, што значи дека добрата тракција и максималната брзина на правците се главните фактори за што побрз круг.

Има три места каде максимално се оптоваруваат сопирачките, но времето кое возачите остануваат со ногата на сопирачката е релативно ниско и се проценува на околу 9 секунди. Сопирањето е блиски интервали и тоа го отежнува ладењето на сопирачките, но и поради присуството на поредок воздух.

Патеката нуди повеќе можности за претекнување, не само поради присуството на три ДРС-зони, туку и нејзината широчина од 12 метри. Сепак, главната можност за претекнување е третиот свиок (Ремус), каде што возачите по наглото сопирање се движат низ овој свиок во прва или втора брзина. Како контраст на него е 9-от свиок (Ринт), кој возачите го поминуваат во шеста брзина и ги бараат лимитите на нивниот болид и нивната решителност.

Ред Бул ринг има сериозна побарувачка од Погонските Единици на Формула 1 болидите. Во време на атмосферските мотори загубата на моќност поради надморската височина беше 6-8%, но, со употреба на турбото тековните V6 мотори, нема да наидат на поголеми проблеми од таа страна.

Кај овој тип на мотори помалата густина на воздухот се компензира со зголемување на притисокот во турбината. Патеката е "сурова" кон ПЕ и поради големата километража со максимална моќност, што се проценува на околу 74%. Од друга страна поголемиот притисок и поголемиот број вртежи ќе го стават на тест правилното фунционирање на турбината.

Патеката е прилично чувствителна на моќност, се добиваат 0.150 делови од секундата на секои 10КС, додека ефектот на тежина нема да биде толку важен, бидејќи 10кг одговараат на околу 0.150 секунди.

Повторно поради "вина" на пореткиот воздух, тимовите може да имаат одредени проблеми со ладење и затоа е многу веројатно дека болидите ќе имаат поголеми отвори во каросеријата за нивно ладење.

ВРЕМЕНСКА ПРОГНОЗА ЗА ВИКЕНДОТ
СЕСИЈА	ВРЕМЕ	ПРОГНОЗА
ТРЕНИНГ 1	11:00-12:30 MK	Невреме со грмотевици, 17/21°C
60% шанси за дожд
ТРЕНИНГ 2	15:00-16:30 MK	Невреме со грмотевици, 20/21°C
55% шанси за дожд
ТРЕНИНГ 3	12:00-13:00 MK	Делумно облачно, 22/26°C
КВАЛИФИКАЦИИ	15:00-16:00 MK	Делумно облачно, 22/26°C
9% шанси за дожд
ТРКА	15:10 MK	Претежно Сончево, 24/29°C
5% шанси за дожд
Извор: Accuweather
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA

Потрошувачката на гориво на оваа патека не е критична, иако за да се заврши трката потребни се нешто повеќе од 100 кг гориво. Како што напоменавме патеката има средно побарување во однос на потисната сила, но тимовите кои располагаат со помоќни ПЕ, може да се одлучат за поголема потисна сила за подобра тракција низ свиоците.

Кога се во прашање пневматиците на Пирели, на патеката Ред Бул ринг имаме релативно ниско ниво на абење и деградација и покрај температурата на асфалтот што во некои прилики дури достигнуваше и над 40 °С. Во последно време доброто менаџирање со гумите станува клучен елемент за добивање на одлични времиња по круг.

Историски гледано, најкористената стратегија на оваа патека е едно застанување за промена на гуми. Минатата година, Макс Верстапен победи со користење на еквивалентите на супер-мека и меката смеша. Смешите од кои ќе бидат изградени годинешните гуми се C2, C3 и C4, избор што тогаш го потврдија и за следната трка на истата патека, која ќе се вози под името Голема Награда на Штаерска.

Во текот на паузата имаше многу шпекулации во однос на надградбите и развојот на 2020 Ф1 болидите. Како најблиску до вистината ние ќе ги напоменеме тие во однос на најбрзите три болиди.

Болидот на Ред Бул во Австрија ќе допатува со нов под и нова еволуција на Хонда ПЕ. Ред Бул, РБ16, по одличните настапи прикажани за време на зимските тестови, сака да стартува силно на домашната трка. Делови од техничките иновации можевме да забележиме за време на нивниот филмски ден на патеката Силверстоун.

Хелмут Марко, изјави: "РБ16 што ќе го видиме на Ред Бул Ринг нема да биде идентичен со оној што ќе настапеше во Мелбурн. За првата трка од 2020 сезоната ги носиме надградбите што првично беа планирани за петтата трка и оние планирани за Австриското ГП. Надградбите се теориски развивани, па тоа дава доза на неизвесност затоа што не знеме дали ќе работат во пракса или не."

Покрај ова, новините во 1.1 еволуцијата на Хонда ПЕ се главно концентрирани во ендотермичкиот дел, со што инженерите на овјо Јапонски производител се обидоа да ја подобра нејзината издржливост. Тоа е пред се и поради забраната за развивање на системите за ладење, па така ендотермичките решенија што ќе се користат во Австрија не можат да бидат изменети во текот на сезоната. До крајот на сезоната ќе може да се развива само хибридниот дел на ПЕ.

Во развојот на својот 2020 болидот не заостануваат нити од Мерцедес АМГ. За време на зимските тест сесии, W11, беше болидот што треба да се победи, но сега тој ќе мора да ја потврди својата надмоќ на патеката на која, во последните години, не се покажа во најдобро светло.

Џејмс Алисон, техничкиот директор на шампионскиот тим, најави дека W11 ќе биде доста различен од оној што го гледавме во Барселона: "Болидот што го користевме во Барселона и оној што ќе го користевме за Австралиското ГП беше практично ист. Но, во месеците февруари и март успеавме да смислиме значајни аеро решенија за да го направиме болидот побрз, пред да затвориме сè поради коронавирусот."

Исто така, се чини дека проблемите со ПЕ се решени и патеката Ред Бул Ринг веднаш ќе го демонстрира ова, бидејќи ќе донесе нејзино големо оптоварување, особено на турбо компресорот.

Ферари со нов менувач и ПЕ?!? Ако Ред Бул и Мерцедес АМГ се фокусираа кон аеродинамичните надградби, Ферари, во оваа долга пауза, се фокусираше многу на менувачот, ПЕ и разбирањето на SF1000. Од нивна страна првите поважни надградби на болидот ќе ги видиме дури по Унгарското ГП.

На крај да ги споменеме шансите на возачите и тимовите пред почетокот на 2020 сезоната според букмејкерите. Тие веруваат дека Луис Хамилтон и Макс Ферстапен имаат подеднакви шанси за Победа на првата трка во сезоната со коефициент 3, следува Леклер 6.00, Ботас 7.00, Ветел 7.50, Албон 26.00.

Луис Хамилтон е главниот фаворит за освојување на Шампинската Титула, додека како главен негов ривал, но, релативно неопасен го сметаа Макс Ферстапен. Хамилтон 1.61, Верстапен 5.50, Леклер, Ботас 9.00, Ветел 15.00.

Мерцедес АМГ пак е јасен фаворит за Титулата во конструктори, со минимален коефициент 1.25, додека на нивниот најблизок ривал, Ред Бул, има 4.4 пати помали шанси. Мерцедес АМГ 1.25, Ред Бул 5.50, Ферари 8.00.