Силверстон е една од само три патеки во Формула 1, заедно со СПА-Франкоршамп и Монако, каде инженерите свиоците ги именуваат по нивното име, наместо со бројки. Секторот на свиоци од Maggotts, Becketts и Chapel сега се поминува без употреба на сопирачките, додека само 13от бара мала количина на притисок на сопирачките заради построгиот агол на вртење.
Условите се неверојатно ветровити на Силверстон и насоката на ветерот се менува релативно често. Ова има големо влијание врз балансот на болидите и може целосно да го промени нивното однесување, принудувајќи ги возачите да го прилагодат нивниот стил на возење. Точките на сопирање, брзината низ свиоците и притискање на педалот за гас може да се променат како резултат на промена во правецот на ветрот.
"Имавме добар почеток на сезоната, ги решивме прашањата што нè вознемирија на првиот викенд, победивме на три од три трки и забележавме добра количина на поени. Но, во првите три трки се истакна и друг клучен фактор: важноста на издржливоста во оваа скратена сезона. Ние сме еден од само два тима што ги завршивме сите трки со двата болиди и знаеме колку брзо откажувањата може да ја стопат бодовната предност. Ова е добар потсетник за сите нас дека мора да останеме будни и дека дури и најмалата грешка може да не чини многу поени."
"По заслужениот одмор, сега ја започнуваме втората тројка. Со нетрпение ги очекуваме двете трки во Силверстоун, патека што е веднаш до нашите фабрики и ние се чувствуваме како дома. Во последните години имавме многу добри резултати на Британското Гран При, но секако нема да имате добар резултат бидејќи сте биле силни во минатото, напротив: успешна трка секогаш ќе биде резултат на напорна работа на секој член на тимот и ќе мора сериозно да работиме за да останеме пред нашите конкуренти."
"Сметаме дека сме многу среќни што можеме да се тркаме во сегашната ситуација, но секако дека ќе ни недостигаат нашите фанови на Силверстоун. Сепак, знаеме дека тие ќе не бодрат од дома, па затоа сме решени да ја покажеме нашата благодарност за нивната поддршка со одлично шоу за нив. Овие се најбрзите Ф1 болиди што некогаш биле прозиведени и тие ги срушија рекордите и во Шпилберг и во Будимпешта. Ќе биде возбудливо да ги видите на исконската патека Силверстон, тркајќи се низ некои од најпребирливите свиоци од сезоната и форсирајќи ги нивните лимити."
