Само неколку места во календарот го отелотворуваат духот на Формула 1, а едно од нив секако е патеката Силверстоун. Британската патека е местото каде што се започна во 1950-тата година со одржување на првата трка во историјата на модерната ера на Формула 1 Шампионатите.
Патеката сега со главното обележје во форма на авионско крило на стартно-целниот правец, не е ни малку слична на трускавиот аеродром на кој се одвиваше инаугуративната трка, но сепак останува чувството дека сте на посебно место.
Силверстоун останува домаќин на Големата Награда на Британија до 1954 година, кога го дели настанот со Ајнтри од 1955-1962 година, а од 1963-1986 со Брендс Хеч. Од 1987 година па наваму Силверстоун е единственото место за одржување на овој настан.
Оваа сезона, Формула 1 карванот тука ќе престојува две недели, бидејќи Силверстоун е домаќин на Британското и на Јубилејното 70 години Ф1 Гран При, во два последователни тркачки викенди.
Силверстоун е брзa, флуидна пaтека која e комбинација од брзи свиоци на почетокот и голем број на бавни свиоци кон крајот на кругот. Maggots, Becketts and Chapel се издвојуваат како едни од најсложените комбинациии на свиоци во шампионатот.
Патеката е изградена на воен аеродром и е на ветровито место, со налети на ветер кои често може да го нарушат балансот на болидите. Временските услови во Силверстоун историски гледано се многу неконзистентни. Често се случувало да има дожд во некоја фаза на тркачкиот викенд.
Постојат многу брзи свиоци кои овозможуваат одлични можности за претекнување. Возачите можат да пренесат многу брзина во нив, но, исто така, и да се движат по различни линии при нивното поминување и при излезот, што во суштина е она што доведува до претекнување.
Постојат многу малку зони на силно сопирање каде што може брзо да се наполнат акумулаторите на ЕРС-системот. Ова значи дека, тимот што има ефикасен ЕРС-систем и при собирање на кинетичката енергија и при имплементирање на неговата енергија, толку побрзи ќе бидат нивните болиди.
Според техничарите на Брембо, патеката Силверстоун спаѓа во категоријата на оние патеки кои се минимално оптоварувачки кон сопирачките на Ф1 болидот. На скала од 1 до 5, имаат индекс на тежина 2, понизок од сите други патеки во тековниот Ф1 календар.
Патека има 7 точки на сопирање, што дава вкупно време на употреба на сопирачките од 12.6 секунди по круг, повеќе од 5 секунди помалку од Хунгароринг. Од старт до финиш, сопирачките се користат нешто помалку од 11 минути.
Најтешко точка на сопирање е на влез во третиот свиок, затоа што возачите влегуваат во него забрзувајќи од стартниот правец, без притоа да мора да ги користат сопирачките во првиот и вториот свиок, така што тука пристигнуваат со 320км/ч, за потоа да намалат на 125км/ч за само 2.37 секунди со забавување од 4.8Г.
На Британското Гран При за прв пат оваа сезона ќе дебитира најтврдата смеша од опсегот на Пирели, C1, од која заедно со C2 и C3 ќе бидат произведени белите, жолтите и црвените гуми.
Доколку нема да има дожд помеѓу двата тркачки викенди, еволуцијата на патеката ќе го достигне својот максимум за време на Јубилејното Гран При, за време на кое ќе имаме побрзи времиња и помалку стрес на гумите, секако и благодарение на номинираните еден чекор помеки смеши C2, C3 и C4.
По минатогодишното реасфалтирање на патеката, разбирањето на новата површина од страна на тимовите ќе биде една од нивните главни задачи овој викенд, со цел идеално подесување на болидот.
На оваа патека Пол позицијата не е од големо значење. Во текот на изминатите 22 трки возачот што стартувал прв само 6 пати бил Победник. Луис Хамилтон е еден од ретките возачи на кого му успеало тоа.
Луис Хамилтон доаѓа на неговата домашна трка со две последователни победи со кои го презеде водството во генералниот пласман на возачите, и во однос на својот тимски колега, Валтери Ботас, има предност од 5 поени. Второто место во Австрија го донесе Макс Ферстапен на третото место со 33 поени.
Мерцедес АМГ на Силверстоун пристигнува со 121 поени, 66 повеќе од второпласираниот тим на Ред Бул по само три трки. Мекларен е на третото место со само еден поен предност до четврто пласираниот тим на Рејсинг Поинт. Штета што нити еден од овие тимови немаат реални шанси да се спротистават на Црните стрели!!!
| ПРЕЛИМИНАРНА ВРЕМЕНСКА ПРОГНОЗА | |||
| СЕСИЈА | ВРЕМЕ | ПРОГНОЗА | |
| ТРЕНИНГ 1 | 12:00-13:30 MK | Сончево, 28/30°C | |
| ТРЕНИНГ 2 | 16:00-17:30 MK | Сончево, 28/30°C | |
| ТРЕНИНГ 3 | 12:00-13:00 MK | Наизменични Облаци, 23/23°C | |
| КВАЛИФИКАЦИИ | 15:00-16:00 MK | Наизменични Облаци, 23/23°C | |
| 6% шанси за дожд | |||
| ТРКА | 15:10 MK | Претежно Сончево, 20/21°C | |
| 4% шанси за дожд | |||
| Извор: Accuweather | |||
| @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA |
|||
