ЛУИС ХАМИЛТОН СО ПОЛ И РЕКОРД НА ХУНГАРОРИНГ

Луис Хамилтон ја забележа неговата 90та Пол позиција во Формула 1 кариерата на денешните квалификации за Големата Награда на Унгарија. Британецот беше за една десетинка од секундата побрз од Валтери Ботас за нов 1-2 пласман, додека возачите на Рејсинг Поинт го обезбедија вториот стартен ред.

Ферари малку се подобри, или пак може да се каже Ред Бул потфрли, па нивните возачи успеаа да се пласираат на третиот ред. Петта позиција за Ветел, шеста за Леклер со меѓусебна разлика од само 0.043сек., иако разликата во однос на Мерцедесите е она што треба сериозно да ги загрижи.

Возачите на Ред Бул имаа големи проблеми со балансот на своите болиди. Макс Ферстапен успеа да стигне до седмото најбрзо време, со помош на користени црвени гуми, додека Алекс Албон не успеа нити да се пласира во завршната Q3 сесија.

Ландо Норис и Карлос Саинц Јр. го имаа осмото и деветтото најбрзо време, а последните брзи кригови мораа да ги прекинат, откако не пронајдоа повеќе темпо на патеката.

Пјер Гасли не забележа време, ќе стартува од П10, но ќе има многу работа на неговиот болид во текот на ноќта, па, неговата стартна позиција би можело да се промени.

Кога е во прашање кој на какви гуми ќе стартува утре(ако нема дожд), Мерцедес АМГ и Рејсинг Поинт на жолти(медиум), останатите од Топ 10 на црвени(меки) гуми на Пирели.

2020 УНГАРСКО ГП - КВАЛИФИКАЦИИ
П.	ВОЗАЧ	ТИМ	ВРЕМЕ	РАЗЛИКА
1.	Луис Хамилтон	Мерцедес АМГ	1:13.447
2.	Валтери Ботас	Мерцедес АМГ	1:13.554	+ 0.107
3.	Ленс Строл	Рејсинг Поинт	1:14.377	+ 0.930
4.	Серџо Перез	Рејсинг Поинт	1:14.545	+ 1.098
5.	Себастијан Ветел	Ферари	1:14.774	+ 1.327
6.	Чарлс Леклер	Ферари	1:14.817	+ 1.370
7.	Макс Ферстапен	Ред Бул	1:14.849	+ 1.402
8.	Ландо Норис	Мекларен	1:14.966	+ 1.519
9.	Карлос Саинц ЈР.	Мекларен	1:15.027	+ 1.580
10.	Пјер Гасли	АлфаТаури	/	/
Q2 Најбрзо Време: Луис Хамилтон - 1:14.261
11.	Даниел Рикиардо	Рено	1:15.661	+ 1.400
12.	Џорџ Расел	Вилијамс	1:15.698	+ 1.437
13.	Алекс Албон	Ред Бул	1:15.715	+ 1.454
14.	Естебан Окон	Рено	1:15.742	+ 1.481
15.	Николас Латифи	Вилијамс	1:16.544	+ 2.283
Q1 Најбрзо Време: Серџо Перез - 1:14.681
16.	Кевин Магнусен	Хас	1:16.152	+ 1.471
17.	Даниел Квјат	АлфаТаури	1:16.204	+ 1.523
18.	Роман Грожан	Хас	1:16.407	+ 1.726
19.	Антонио Џовинаци	Алфа Ромео	1:16.506	+ 1.825
20.	Кими Раиконен	Алфа Ромео	1:16.614	+ 1.933
107% време: 1:19.908
ВИДЕО РЕЗИМЕ ХИБРИДНА ЕРА - ХУНГАРОРОИНГ 2014 Нико Розберг - Мерцедес АМГ - 1:22.715 2015 Луис Хамилтон - Мерцедес АМГ - 1:22.020 2016 Нико Розберг - Мерцедес АМГ - 1:19.965 2017 Себастијан Ветел - Ферари - 1:16.276 2018 Луис Хамилтон - Мерцедес АМГ - 1:35.658 (дожд) 2019 Макс Верстапен - Ред Бул - 1:14.572 2020 Луис Хамилтон - Мерцедес АМГ - 1:13.447 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA