ПИРЕЛИ: НАЈДОБРА СТРАТЕГИЈА ЗА ТРКАТА

Возачот на Мерцедес АМГ, Луис Хамилтон, го забележа најбрзото време на вчерашните квалификации и со тоа си обезбеди старт од првата позиција за денешната трка за Големата Награда на Унгарија, која што се вози на патеката Хунгароринг.

Најбрзата стратегија за Големата Награда на Унгарија, која се состои од 70 круга е едно застанување во бокс, и тоа старт на жолтите гуми со стинт од 35 до 40 круга, а потоа следува завршен стинт на црвените гуми.

Квалификациите се одржаа на сува патека, па доколку денес немаме дожд, оваа стратегија ќе ја имаат само возачите на Мерцеес АМГ и Рејсинг Поинт, кои ќе стартуваат на жолтите гуми, додека сите останати од Топ 10 трката ќе ја започнат на црвените гуми.

Тоа значи дека тие, теоретски, ќе ја имаат втората најбрза стратегија според Пирели и тоа почетни два стинта од 21-25 круга на црвените гуми, за потоа да следува завршен стинт на жолтите гуми.

Трета најбрза е стратегијата со првичен стинт на црвени гуми од 28-34 круга, потоа да се оди на белите гуми до самиот финиш на трката.

Најбавна варијанта би се одвивала според следниот редослед: почетен стинт од 35-38 круга на жолти гуми, а потоа завршеток на трката на белите гуми.

Доколку имаме дожд за време на трката, сите овие стратегии паѓаат во вода, и се е возможно со сините или зелени гуми на Пирели.

Марио Изола, Пирели: "Брзината на квалификациите беше навистина импресивна, со падот на рекодот на патеката и уште еднаш видовме колку еволуирале болидите од минатата година, и покрај неизвесната временска прогноза пред сесиите."

"Како и да е, и покрај ниските температури немаше поголеми проблеми со грејнинг на гумите, од она што досега можевме да го заклучиме. Имавме микс на стратегии во квалификациите, што значи дека првите четири болиди ќе ја започнат трката на жолтите гуми, сè додека остане суво: што е далеку од загарантирано."

"Се чини дека тие ќе имаат предност на почетокот, особено во случај на потопли временски услови, така што најбрзите болиди ќе треба да се насочат кон искористување на максимумот од својата избрана стратегија."

2020 УНГАРСКО ГП - СТАРТЕН РЕДОСЛЕД
1. ЛУИС ХАМИЛТОН - МЕРЦЕДЕС АМГ
	2. ВАЛТЕРИ БОТАС - МЕРЦЕДЕС АМГ
3. ЛЕНС СТРОЛ - РЕЈСИНГ ПОИНТ
	4. СЕРЏО ПЕРЕЗ - РЕЈСИНГ ПОИНТ
5. СЕБАСТИЈАН ВЕТЕЛ - ФЕРАРИ
	6. ЧАРЛС ЛЕКЛЕР - ФЕРАРИ
7. МАКС ВЕРСТАПЕН - РЕД БУЛ
	8. ЛАНДО НОРИС - МЕКЛАРЕН
9. КАРЛОС САИНЦ ЈР. - МЕКЛАРЕН
	10. ПЈЕР ГАСЛИ - АЛФАТАУРИ
11. ДАНИЕЛ РИКИАРДО - РЕНО
	12. ЏОРЏ РАСЕЛ - ВИЛИЈАМС
13. АЛЕКС АЛБОН - РЕД БУЛ
	14. ЕСТЕБАН ОКОН - РЕНО
15. НИКОЛАС ЛАТИФИ - ВИЛИЈАМС
	16. КЕВИН МАГНУСЕН - ХАС
17. ДАНИЕЛ КВЈАТ - АЛФАТАУРИ
	18. РОМАН ГРОЖАН - ХАС
19. АНТОНИО ЏОВИНАЦИ - АЛФА РОМЕО
	20. КИМИ РАИКОНЕН - АЛФА РОМЕО
@МкФормула1 - РЕПУБЛИКА МАКЕДОНИА @MkFormula1 - REPUBLIC OF MACEDONIA