ШПИЛБЕРГ МУЗИЧКА ХИМНА - DRUM THE BULL

Патеката на Ред Бул во Шпилберг, Австрија беше централно место на создавање химна за одбележување на претстојното враќање на Формула 1.

Меѓународно познатиот перкусионист Мартин Грубингер ја комбинираше класичната музика со звуците на моторспортот, за да создаде музички увод за двете последователни трки на оваа патека: Големата Награда на Австрија на 5 јули, проследена од Големата Награда на Штаерска на 12 јули.

За да се оствари неговото дело, Грубингер собра повеќе свои колеги и хор од 150 луѓе. Во срцето на музичката инсталација, позната како "Drum the Bull", беше челичниот Бик од Шпилберг, кој беше оживеан од Грубингер и неговите колеги перкусионисти користејќи четки, метални и дрвени тапани, па дури и чекани.

"Бев поканет да го видам Бикот и открив дека акустиката е фантастична! Јас тропнав на него и се за заљубив. Веднаш ми беше јасно дека би било супер да се создаде химна за враќањето на Формула 1."

Вклученa во ова музичка дело е Mahler’s Symphony No. 2, која внимателно ги обединува звуците создадени од тркачките возила, како што се болидот на Заубер од 1995 година, НАСКАР, моторите од ГП2 и авионот Lockheed P-38 ‘Lightning’.

"За нас беше многу важно не само да создадеме музика и потоа врз неа да се додадат моторни звици, туку, сè беше темпирано и изведено многу прецизно да се создаде уникатно дело. Возачите беа распоредени точно според ритамот."

"Беше многу забавно бидејќи звукот на моторите се мешаше со музиката и се создаде посебна динамика. Ова е дело кое се залага за традиција, модерност, креативност, технологија, прекрасен пејзаж, љубов кон уметноста и културата и исто така одредена лудост."

Американецот Камерон Карпентер, зеде учество со својата мобилна и дигитализирана органа, за која му биле потребни 10 години да ја направи, по покана од Грубингер, кој побарал од него да се вклучи во проект што треба да биде голема најава:

"Мартин сакаше голема и драматична најава. Тој и јас претходно работевме заедно во Германија и ние сме пријатели, затоа тој љубезно ме замоли да се приклучам и мојата меѓународна патувачка органа да биде дел од неговата работа. Беше прилично неверојатно и навистина е кул како целиот свет на мотоспортот ќе гледа кон Шпилберг."

Дејвид Култхард, поранешен Ф1 возач, кој беше на патеката за време на снимањето, додаде дека оваа химна е уникатен начин да се поздрави враќањето на Формула 1.

"Музиката што се слушаше низ ридовите овде во Шпилберг, вревата на моторите и прелетите на авионот беа еден прекрасен бучен оркестар кој кажа добредојде на 2020 Формула 1 сезоната."

"Досега сме немале две последователни трки на иста патека, па ова е нешто сосема уникатно. Навистина ќе биде извонредно за да се види кој ќе биде победник на овој одложен старт на сезоната."

Изработен од KОР-ТЕН плочи, челични легури создадени за да се елиминира потребата од фарбање и на кои се формира стабилен изглед на рѓа по неколкугодишна изложеност на времето, Бикот од Шпилберг тежи вкупно 1.300 тони, висок е 18 метри и постои како обележје на Ред Бул ринг од мај 2012 година.