ВЕТЕЛ СО НОВА ШАСИЈА, МНОГУ ПОБЛИСКУ ДО ЧАРЛС ЛЕКЛЕР

Валтери Ботас го забележа најбрзото време на првиот тренинг за Големата Награда на Шпанија, со три стотинки предност пред тимскиот колега Луис Хамилтон. Себастијан Ветел со новата шасија се доближи до времињата на Чарлс Леклер, но и двајцата не можеа да бидат побрзи од Ред Булот на Макс Ферстапен кој го имаше третото најбрзо време. Мерцедес АМГ и без т.н. "Party" мод побрзи за секунда од сите останати.

Себастијан Ветел доби нова шасија, откако механичарите на Ферари открија мала пукнатина на старата по минатата трка на патеката Силверстоун. Исто и Карлос Саинц Јр. во тимот на Мекларен доби нов кок-пит, откако тимот се обидуваше, но безуспешно, да ги пронајде причините за проблемите со прегревањето на болидот на Шпанецот.

Во Вилијамс се случи привремена замена на возачи, Рој Нисани седна зад воланот на болдиот на Џорџ Расел, и за прв пат во неговата кариера, зеде учество на официјална тренинг сесија во Формула 1.

Механичарите на АлфаТаури имаа полни раце работа на двата свои болиди, Пјер Гасли и Даниел Квјат изгубија доста време во своите гаражи, па оттука и нивниот слаб пласман на табелата.

Возачите се многу добро запознаени со патеката, па сесијата протече мирно, а единственото извртување, без последици, го имаше дебитантот, Рој Нисани.

Вториот тренинг започнува во 15:00 часот и на кој се надеваме на многу порелевантни времиња, бидејќи тоа е времето кога ќе се одвиваат Квалификациите и Трката.

2020 ШПАНСКО ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:16.785		33
2	Луис Хамилтон	Мерцедес АМГ	1:16.824	+ 0.039	29
3	Макс Ферстапен	Ред Бул	1:17.724	+ 0.939	26
4	Чарлс Леклер	Ферари	1:17.970	+ 1.185	27
5	Себастијан Ветел	Ферари	1:17.981	+ 1.196	27
6	Роман Грожан	Хас	1:18.291	+ 1.506	29
7	Серџо Перез	Рејсинг Поинт	1:18.471	+ 1.686	31
8	Алекс Албон	Ред Бул	1:18.606	+ 1.821	27
9	Кевин Магнусен	Хас	1:18.620	+ 1.835	28
10	Ленс Строл	Рејсинг Поинт	1:18.643	+ 1.858	31
11	Карлос Саинц Јр.	Мекларен	1:18.733	+ 1.948	33
12	Естебан Окон	Рено	1:18.736	+ 1.951	31
13	Ландо Норис	Мекларен	1:18.744	+ 1.959	32
14	Пјер Гасли	АлфаТаури	1:18.888	+ 2.103	26
15	Антонио Џовинаци	Алфа Ромео	1:18.917	+ 2.132	24
16	Кими Раиконен	Алфа Ромео	1:18.981	+ 2.196	24
17	Даниел Квјат	АлфаТаури	1:19.145	+ 2.360	21
18	Даниел Рикиардо	Рено	1:19.230	+ 2.445	31
19	Николас Латифи	Вилијамс	1:20.334	+ 3.549	30
20	Рој Нисани	Вилијамс	1:20.664	+ 3.879	25
ВИДЕО РЕЗИМЕ - ТРЕНИНГ 1 ИСТОРИЈА - ХИБРИДНА ЕРА - КАТАЛУЊА 2014 Луис Хамилтон - Мерцедес АМГ - 1:27.023 2015 Нико Розберг - Мерцедес АМГ - 1:26.828 2016 Себастијан Ветел - Ферари - 1:23.951 2017 Луис Хамилтон - Мерцедес АМГ - 1:21.521 2018 Валтери Ботас - Мерцедес АМГ - 1:18.148 2019 Валтери Ботас - Мерцедес АМГ - 1:17.951 2020 Валтери Ботас - Мерцедес АМГ - 1:16.785
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA