МЕРЦЕДЕС АМГ НАПРЕД, ИЗВОНРЕДЕН КРУГ ЗА ГРОЖАН И ХАС

Мерцедес АМГ на врвот од табелата и на вториот слободен тренинг за Големата Награда на Шпанија.  Луис Хамилтон го забележа најбрзото време на денот и беше речиси три десетинки побрз од својот тимски колега, Валтери Ботас. Макс Ферстапен останува трет најбрз со големо заостанување, додека поредокот зад него е многу близок.

Сесијата помина без поголеми проблеми. Латифи, Албон и Ботас имаа излетување надвор од патеката, но без последици за болидите. На крајот на сесијата, Грожан, кој имаше извонрендно време и беше 5ти најбрз на Каталуња, се пожали на нагло намалување на моќноста на Ферари ПЕ, по што мораше во бокс. Инженерите на Хас го разгледуваат проблемот.

За време на попладневната сесија, температурата на асфалтот се искачи на 48 степени, а истите услови се очекуваат за време на квалификациите и трката, па на оваа сесија тимовите можеа да соберат многу добри податоци.

Повеќето тимови ја поминаа вообичаена програма за проценка на животниот век и ефикасноста на гумите на кратки и долги стинтови, фокусирајќи се на нивната деградација, особено по проблемите со блистерингот од минатата недела на Силверстоун.

Како заклучок, Мерцедес АМГ како најголеми фаворити со прикажаното на денешните тренинг сесии ќе се подготвуваат за саботниот тренинг, 12:00 MK и Квалификациите, 15:00 MK. Останатите тимови се чини дека ќе имаат многу работа за да ги подготват своите болиди за останатиот дел од викендот.

2020 ШПАНСКО ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:16.883		37
2	Валтери Ботас	Мерцедес АМГ	1:17.170	+ 0.287	38
3	Макс Ферстапен	Ред Бул	1:17.704	+ 0.821	33
4	Даниел Рикиардо	Рено	1:17.868	+ 0.985	34
5	Роман Грожан	Хас	1:18.133	+ 1.250	29
6	Чарлс Леклер	Ферари	1:18.147	+ 1.264	35
7	Карлос Саинц Јр.	Мекларен	1:18.214	+ 1.331	33
8	Серџо Перез	Рејсинг Поинт	1:18.293	+ 1.410	39
9	Естебан Окон	Рено	1:18.303	+ 1.420	40
10	Пјер Гасли	АлфаТаури	1:18.312	+ 1.429	40
11	Ленс Строл	Рејсинг Поинт	1:18.357	+ 1.474	39
12	Себастијан Ветел	Ферари	1:18.404	+ 1.521	36
13	Алекс Албон	Ред Бул	1:18.491	+ 1.608	35
14	Ландо Норис	Мекларен	1:18.506	+ 1.623	38
15	Даниел Квјат	АлфаТаури	1:18.642	+ 1.759	39
16	Кевин Магнусен	Хас	1:18.761	+ 1.878	36
17	Кими Раиконен	Алфа Ромео	1:18.900	+ 2.017	42
18	Антонио Џовинаци	Алфа Ромео	1:18.964	+ 2.081	40
19	Николас Латифи	Вилијамс	1:19.155	+ 2.272	32
20	Џорџ Расел	Вилијамс	1:19.391	+ 2.508	38
ВИДЕО РЕЗИМЕ - ТРЕНИНГ 2 ИСТОРИЈА - ХИБРИДНА ЕРА - КАТАЛУЊА 2014 Луис Хамилтон - Мерцедес АМГ - 1:25.524 2015 Луис Хамилтон - Мерцедес АМГ - 1:26.852 2016 Нико Розберг - Мерцедес АМГ - 1:23.922 2017 Луис Хамилтон - Мерцедес АМГ - 1:20.802 2018 Луис Хамилтон - Мерцедес АМГ - 1:18.259 2019 Валтери Ботас - Мерцедес АМГ - 1:17.284 2020 Луис Хамилтон - Мерцедес АМГ - 1:16.883
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA