МЕРЦЕДЕС АМГ БЕЗ КОНКУРЕНЦИЈА, ДВОЈНО ОТКАЖУВАЊЕ НА ФЕРАРИ ПЕ

Луис Хамилтон го забележа најбрзото време на попладневната тренинг сесија, 0.176 делови од секундата пред неговиот тимски колега, Валтери Ботас и Даниел Рикиардо со Рено на третото место. Она што се истакна на Т2 се изненадните откажувања на Ферари ПЕ во болидите на Себастијан Ветел и Антонио Џовинаци.

Пред оваа серија на проблеми со моторот, гумите беа главна точка на разговор, при што црвените гуми не успеваа да издржат нити еден цел круг на максимални перформанси на топлото време на Силверстоун.

Прогнозите за утре се дека ќе имаме малку поладно време, но интересно ќе биде да се види кој со кои гуми ќе настапи во Q2 сесијата од квалификациите.

Даниел Рикиардо имаше одличен настап со болидот на Рено и успеа да го забележи третото најбрзо време, за стотинка пред Макс Ферстапен. Двајцата возачи ги забележаа своите најбрзи кругови во исто време и со тоа споредбата е прилично релевантна.

Следуваа возачите на Рејсинг Поинт, со Ленс Строл неколку десетинки пред неговиот привремен тимски колега, Нико Хулкенберг.

Мекларен беше еден од тимовите. кои што успеаа да се подобрат на попладневната сесија, но Чарлс Леклер со Ферари повторно за малку пред нив двајца на седмото место. Моначанецот многу подобро се справува со тешкиот за возење болид на Ферари, додека неговиот тимски колега, Себастијан Ветел, продолжува со проблеми.

Германецот во тимот на Ферари сесијата ја заврши со 14-тото најбрзо време, но тој мораше предвреме да ја заврши сесијата кога Ферари ПЕ во неговиот болид испушти масло во големи количини, додека тој поминуваше низ старата пит-линија на Силверстон и мораше да се паркира покрај патеката.

Во тие последни минути од сесијата беше вклучен виртуелниот безбедносен автомобил, но, малку подоцна сесијата беше стопирана кога болидот на Џовинаци ја изгуби силата, по што и Италијанецот мораше да се паркира покрај патеката. Со неколку минути до крајот Т2 не беше рестартиран.

Нешто повеќе околу перформансите на тимовите ќе дознаеме утре на саботниот тренинг во 12:00 МК, додека Квалификациите кои се закажани за 15:00 МК ќе го потврдат конечниот поредок на Силверстоун за Јубилејното 70 години Ф1 Гран При.

70 ГОДИНИ Ф1 ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:25.606		22
2	Валтери Ботас	Мерцедес АМГ	1:25.782	+ 0.176	21
3	Даниел Рикиардо	Рено	1:26.421	+ 0.815	29
4	Макс Ферстапен	Ред Бул	1:26.437	+ 0.831	15
5	Ленс Строл	Рејсинг Поинт	1:26.501	+ 0.895	24
6	Нико Хулкенберг	Рејсинг Поинт	1:26.746	+ 1.140	26
7	Чарлс Леклер	Ферари	1:26.812	+ 1.206	32
8	Ландо Норис	Мекларен	1:26.867	+ 1.261	26
9	Карлос Саинц Јр.	Мекларен	1:26.918	+ 1.312	24
10	Естебан Окон	Рено	1:26.928	+ 1.322	25
11	Алекс Албон	Ред Бул	1:26.960	+ 1.354	25
12	Даниел Квјат	АлфаТаури	1:27.002	+ 1.396	33
13	Пјер Гасли	АлфаТаури	1:27.128	+ 1.522	31
14	Себастијан Ветел	Ферари	1:27.198	+ 1.592	30
15	Роман Грожан	Хас	1:27.294	+ 1.688	28
16	Џорџ Расел	Вилијамс	1:27.320	+ 1.714	30
17	Кими Раиконен	Алфа Ромео	1:27.535	+ 1.929	30
18	Кевин Магнусен	Хас	1:27.582	+ 1.976	28
19	Николас Латифи	Вилијамс	1:27.683	+ 2.077	32
20	Антонио Џовинаци	Алфа Ромео	1:27.955	+ 2.349	26
ВИДЕО РЕЗИМЕ - ТРЕНИНГ 2 ХИБРИДНА ЕРА - СИЛВЕРСТОУН 2014 Нико Розберг - Мерцедес АМГ - 1:35.424 2015 Нико Розберг - Мерцедес АМГ - 1:34.274 2016 Луис Хамилтон - Мерцедес АМГ - 1:31.654 2017 Валтери Ботас - Мерцедес АМГ - 1:28.496 2018 Себастијан Ветел - Ферари - 1:27.552 2019 Валтери Ботас - Мерцедес АМГ - 1:26.732 2020 Ленс Строл - Рејсинг поинт - 1:27.274 2020 Луис Хамилтон - Мерцедес АМГ - 1:25.606(70ГП)
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA