ВАЛТЕРИ БОТАС НАЈБРЗ НА ПРВИОТ ТРЕНИНГ

Валтери Ботас за прв пат оваа сезона го забележа најбрзото време на петочните тренинг сесии. Многу сонце претпладнево на Силверстоун, па асфалтот на патеката брзо се загреа над 40-от степен.

Слични услови имавме и изминатиот петок, кога сите се пожалија на брзото трошење на црвените гуми, кои пак за овој викенд се еден чекор помеки.

Сите тимови на првата тренинг сесија се фокусираа за проценка на новата помека смеша и нејзината ефикасност. Ферари дури и имаа инсталирано специјални камери за да го следат однесувањето на задните гуми.

Однесувањето и одредени изјави на тимските шефови секако укажува на тоа дека тимовите имаа за цел да потрошат што е повеќе од црвените сетови на гуми, кои во вакви временску услови се неупотребливи, со тоа заштедувајќи ги жолтите и бели гуми за квалификациите и трката.

Значи, како најава за утрешниот ден може да кажеме дека најбрзите тимови со сигурност ќе се обидат да ја поминат Q2 сесијата на жолтите гуми, а тие што се сигурни во својата брзина ќе се обидат најверојатно и со најтврдите бели гуми.

Сепак, се ќе зависи и од разликата помеѓу смешите, што секако нема да биде целосно позната ако тимовите не ги испробаат и другите смеши.

Во тимот на Алфа Ромео, Роберт Кубица привремено го замени Антонио Џовинаци, додека Нико Хулкенберг ќе продолжи да го заменува Серџо Перез, кој и на вчерашниот тест е позитивен.

Германецот имаше прилично добар настап на првиот тренинг забележувајќи го четвртото најбрзо време и беше половина секунда побрз од неговиот тимски колега, Ленс Строл.

Вториот слободен тренинг кој треба да ни донесе многу порелевантни времиња како показател за перформансите на болидите ќе започне во 16:00 часот по македонско време.

70 ГОДИНИ Ф1 ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:26.167		20
2	Луис Хамилтон	Мерцедес АМГ	1:26.304	+ 0.138	22
3	Макс Ферстапен	Ред Бул	1:26.893	+ 0.727	23
4	Нико Хулкенберг	Рејсинг Поинт	1:26.942	+ 0.776	24
5	Чарлс Леклерк	Ферари	1:27.062	+ 0.896	19
6	Алекс Албон	Ред Бул	1:27.280	+ 1.114	21
7	Себастијан Ветел	Ферари	1:27.498	+ 1.332	20
8	Ленс Строл	Рејсинг Поинт	1:27.539	+ 1.373	25
9	Даниел Квјат	АлфаТаури	1:27.653	+ 1.487	26
10	Естебан Окон	Рено	1:27.701	+ 1.535	22
11	Пјер Гасли	АлфаТаури	1:27.707	+ 1.541	23
12	Ландо Норис	Мекларен	1:27.846	+ 1.680	24
13	Роман Грожан	Хас	1:27.908	+ 1.742	25
14	Карлос Саинц Јр.	Мекларен	1:28.138	+ 1.972	27
15	Џорџ Расел	Вилијамс	1:28.170	+ 2.004	23
16	Николас Латифи	Вилијамс	1:28.226	+ 2.060	23
17	Даниел Рикиардо	Рено	1:28.511	+ 2.345	22
18	Кими Раиконен	Алфа Ромео	1:28.655	+ 2.489	23
19	Роберт Кубица	Алфа Ромео	1:28.960	+ 2.794	22
20	Кевин Магнусен	Хас	1:29.319	+ 3.153	17
ВИДЕО РЕЗИМЕ - Т1 ХИБРИДНА ЕРА - СИЛВЕРСТОУН 2014 Луис Хамилтон - Мерцедес АМГ - 1:34.508 2015 Нико Розберг - Мерцедес АМГ - 1:34.155 2016 Луис Хамилтон - Мерцедес АМГ - 1:31.660 2017 Валтери Ботас - Мерцедес АМГ - 1:29.106 2018 Луис Хамилтон - Мерцедес АМГ - 1:27.487 2019 Пјер Гасли - Ред Бул - 1:27.173 2020 Макс Ферстапен - Ред Бул - 1:27.422 2020 Валтери Ботас - Мерцедес АМГ - 1:26.166(70ГП)
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA