ЛУИС ХАМИЛТОН НА ПОЛ, ФЕРСТАПЕН ГО ПОБЕДИ БОТАС

Луис Хамилтон најбрз и на квалификациите за Голема Награда на Русија, која се вози на патеката Сочи. Валтери Ботас се обиде, но не му беше дозволено да се натпреварува со Британецот, и на крајот му помогна на Макс Ферстапен да стигне до првиот стартен ред, на големо изненадување на Холанѓанецот.

Серџо Перез забележа брилијантен последен брз круг за старт од вториот ред, заедно со Валтери Ботас. Мексиканецот има тенденција на добри настапи на оваа патека, па ќе чека и минимална грешка на тројцата возачи пред него за пласман на победничкиот подиум

Даниел Рикиардо многумина го сметаа за сериозен претендент за третата стартна позиција, но во последната сесија немаше сили за повеќе од 5-то најбрзо време, не успевајќи да се подобри во последниот брз круг. Тој заедно со Карлос Саинц Јр., човекот чие место во Мекларен ќе го земе од идната година, ќе стартуваат од третиот ред.

Естебан Окон, Ландо Норис, Пјер Гасли и Алекс Албон го заокружија пласманот на денес најбрзите 10 возачи.

Да се навратиме на најбрзите возачи, како што изјави Луис Хамилтон во своето интервју по квалификациите, тој можеби нема да води по првиот свиок. Комбинацијата на моќната заветрина и фактот што тој ќе стартува на црвените гуми, за разлика од неговите конкуренти кои трката ќе ја започнат на жолтите, го става во потенцијално неповолна ситуација.

Значи, предност за Ботас и Ферстапен? Секако, но само на спринтот до вториот свиок. Финецот ќе се надева на повторување на 2017 година кога заветрината му овозможи да мине како прв низ олимпискиот свиок, по стартот од третата позиција.

Што се однесува до Ред Бул и Ферстапен, RB16 е секогаш поблиску до Мерцедес АМГ во трката и тој за прв пат од Штаерското Гран При ќе започне од првиот ред. Дали може да му се насмевне среќата? Можеби, но со укинувањето на модовите на ПЕ, како поголема штета да претрпи Ред Бул отколку Мерцедес АМГ.

2020 РУСИЈА ГП - КВАЛИФИКАЦИИ
П.	ВОЗАЧ	ТИМ	ВРЕМЕ	РАЗЛИКА
1.	Луис Хамилтон	Мерцедес АМГ	1:31.304
2.	Макс Ферстапен	Ред Бул	1:31.867	+ 0.563
3.	Валтери Ботас	Мерцедес АМГ	1:31.956	+ 0.652
4.	Серџо Перез	Рејсинг Поинт	1:32.317	+ 1.015
5.	Даниел Рикиардо	Рено	1:32.364	+ 1.060
6.	Карлос Саинц Јр.	Мекларен	1:32.550	+ 1.246
7.	Естебан Окон	Рено	1:32.624	+ 1.320
8.	Ландо Норис	Мекларен	1:32.847	+ 1.543
9.	Пјер Гасли	АлфаТаури	1:33.000	+ 1.696
10.	Алекс Албон	Ред Бул	1:33.008	+ 1.704
Q2 Најбрзо Време: Даниел Рикиардо - 1:32.218
11.	Чарлс Леклер	Ферари	1:33.239	+ 1.021
12.	Даниел Квјат	АлфаТаури	1:33.249	+ 1.031
13.	Ленс Строл	Рејсинг Поинт	1:33.364	+ 1.146
14.	Џорџ Расел	Вилијамс	1:33.583	+ 1.365
15.	Себастијан Ветел	Ферари	1:33.609	+ 1.391
Q1 Најбрзо Време: Валтери Ботас - 1:32.656
16.	Роман Грожан	Хас	1:34.592	+ 1.936
17.	Антонио Џовинаци	Алфа Ромео	1:34.594	+ 2.938
18.	Кевин Магнусен	Хас	1:34.681	+ 2.025
19.	Николас Латифи	Вилијамс	1:35.067	+ 2.410
20.	Кими Раиконен	Алфа Ромео	1:35.267	+ 2.611
107% време: 1:39.142
ХИБРИДНА ЕРА -СОЧИ 2014 Луис Хамилтон - Мерцедес АМГ - 1:38.513 2015 Нико Розберг - Мерцедес АМГ - 1:37.113 2016 Нико Розберг - Мерцедес АМГ - 1:35.417 2017 Себастијан Ветел - Ферари - 1:33.194 2018 Луис Хамилтон - Мерцедес АМГ - 1:36.015 2019 Чарлс Леклер - Ферари - 1:31.628 2020 Луис Хамилтон - Мерцедес АМГ - 1:31.304 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA