Мик стартуваше многу самоуверено и веднаш напредуваше една позиција, но веќе во првите свиоци, по обидот за престигнување на Тиктум за второ место, мораше силно да кочи, по што предното десно тркало блокираше, уништувајќи ја гумата во спринт трка без задолжителни пит-стопови. Германецот успеа да го задржи третото место, иако речиси целосно излета од патеката.
До 10-от круг, Илот успеа да му се доближи на Шумахер, и се обиде да го притисне лидерот во Шампионатот. Во 17-от круг имаше обид за престигнување, но Шумахер со доцно кочење и повторно блокирање на тркалата, успеа да остане напред. Сепак, гумите беа уништени и единствена опција за Мик беше посета на своите механичари, по што се врати на патеката на последното место, со 14 круга до крајот на трката
Иако Калум Илот сега имаше чиста патека, тој не успеа да се приближи до првите две места, а при крајот на трката започна да тоне во поредокот. Во претпоследниот круг на трката, Јуки Цунода го престигна Дан Тиктум, но тој си ја врати втората позиција.
Дуелот продолжи до самиот финиш, кога Јапонецот го освои второто место, потврдувајќи дека е подготвен да се пресели во Формула 1 Шампионатот. Тиктум заврши како трет.
Мик Шумахер трката ја заврши на 18-то место, но тоа не беше важно, бидејќи стана Ф2 Шампион со освоени 215 поени во текот на сезоната, втор беше Калум Илот со 201, Цунода го зазеде 3-то место со 200 поени, Шварцман 177 поени, Мазепин 164.
