ВАЛТЕРИ НАЈБРЗ, АЛФАТА НА КИМИ СЕ ЗАПАЛИ

Валтери Ботас го имаше најбрзото време на денот, победувајќи го својот тимски колега и 2020 Ф1 Шампион, Луис Хамилтон на попладневната тренинг сесија за Големата Награда на Абу Даби. Финецот беше за 0.203 делови од секундата побрз од Британецот. Традиционално Макс Ферстапен беше трет најбрз.

Но, најбрзите тројца возачи не успеаа да комплетираат целосно репрезентаивни кругови на црвените гуми, поради избришани времиња за непочитување на лимитите на патеката, сообраќајната гужва и направени мали грешки.

Најголемиот инцидент кој го привлече вниманието беше пожарот што го зафати болидот на Кими Раиконен. Задниот дел од неговиот C39 започна да исфрла пламени јазици, кои по паркирањето покрај патеката се зголемија.

ICEMAN, со ладна глава мирно го зеде апаратот за гаснење од рацете на маршалите кои притрчаа напомош, и стручно го изгасна огнот, по што внимателно ја следеше целата акцијата за да се осигури дека нема да биде направена непотребна штета на неговиот болид.

Неговите механичари ќе имаат напорна вечер, за навремено да ја поправат Алфата. Вилијамс е друг тим кој ќе има долга и работна вечер, а болид на Џорџ Расел, според непотврдени информации има потреба од нови акумулатори на неговиот FW43.

Во меѓувреме, во поредокот на средниот ред, Алекс Албон извонредно го поддржа Ферстапен и беше многу поблизу до својот тимски колега отколку што успеваше претходно, проследен од Ландо Норис и Мекларен, тандем на кој му лежи оваа патека.

Естебан Окон се пласираше на шестото место пред Серџо Перез, кој исто така своето најбрзо време го забележа на жолтите гуми, а топ 10 пласманот го заокружија Чарлс Леклер, Даниел Рикиардо и Ленс Строл.

2020 АБУ ДАБИ ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:36.276		27
2	Луис Хамилтон	Мерцедес АМГ	1:37.479	+ 0.203	30
3	Макс Ферстапен	Ред Бул	1:37.046	+ 0.770	30
4	Алекс Албон	Ред Бул	1:37.263	+ 0.987	32
5	Ландо Норис	Мекларен	1:37.438	+ 1.162	28
6	Естебан Окон	Рено	1:37.505	+ 1.229	29
7	Серџо Перез	Рејсинг Поинт	1:37.506	+ 1.230	35
8	Чарлс Леклер	Ферари	1:37.508	+ 1.232	31
9	Даниел Рикиардо	Рено	1:37.508	+ 1.232	28
10	Ленс Строл	Рејсинг Поинт	1:37.560	+ 1.284	28
11	Даниел Квјат	АлфаТаури	1:37.596	+ 1.320	31
12	Карлос Саинц Јр.	Мекларен	1:37.616	+ 1.340	31
13	Пјер Гасли	АлфаТаури	1:37.900	+ 1.624	32
14	Кими Раиконен	Алфа Ромео	1:38.068	+ 1.792	28
15	Себастијан Ветел	Ферари	1:38.198	+ 1.922	31
16	Кевин Магнусен	Хас	1:38.504	+ 2.228	33
17	Антонио Џовинаци	Алфа Ромео	1:38.564	+ 2.288	30
18	Џорџ Расел	Вилијамс	1:38.817	+ 2.541	24
19	Пјетро Фитипалди	Хас	1:39.027	+ 2.751	25
20	Николас Латифи	Вилијамс	1:39.132	+ 2.856	30
ИСТОРИЈА - ХИБРИДНА ЕРА - ЈАС МАРИНА 2014 Луис Хамилтон - Мерцедес АМГ - 1:42.115 2015 Нико Розберг - Мерцедес АМГ - 1:41.983 2016 Луис Хамилтон - Мерцедес АМГ - 1:40.861 2017 Луис Хамилтон - Мерцедес АМГ - 1:37.877 2018 Валтери Ботас - Мерцедес АМГ - 1:37.236 2019 Валтери Ботас - Мерцедес АМГ - 1:36.256 2020 Валтери Ботас - Мерцедес АМГ - 1:36.276
@МкФормула1 - Република Македонија @MkFormula1 - Republic of Macedonia

Бонус: Фернандо Алонсо во Р25...