Сепак, тимот не е подготвен целосно да се жртвува оваа сезона и се стреми кон повеќе од седмото место кај конструктори освоено минатата година. Вербата да се обидат да го предизвикаат ривалите во она што се очекува да биде ултра-конкурентен среден ред во 2021 година, ја засноваат на новиот возачки тандем.
На Французинот ќе му се придружи 20-годишниот Јуки Цунода, првиот јапонски возач што се трка во Ф1 од 2014 година. Неговата промоција во Ф1 доаѓа како резултат на неговиот брз напредок во последните четири години, од освојување на јапонскиот Ф4 шампионат во 2018 и завршување на третото место во Формула 2 шампионатот во 2020 година. Од него се очекува да го надополни искуството на Гасли.
Минатата 2020 сезона, АлфаТаури АТ01 со големо мнозинство беше избран за најубавиот болид на гридот, успех кој во тимот се надеваат дека ќе го повтори и АТ02, на чиј изглед повторно беше ставен акцент на овој моден бренд. 2021 болидот ќе дебитира на патеките на предсезонската тест сесија во Бахреин, која е претходник на уникатен календар од 23 трки.
"Со Пјер како колега на Јуки, имаме искусен возач, кој може да му помогне на нашиот јапонски дебитант да се развива побрзо, но во исто време можеме да се стремиме кон добри резултати. Мислам дека овој пар е најдоброто можно сценарио за да се постигнат двете наши цели, и уверен сум дека тоа ќе биде успешно."
Јуки Цунода, #22: "За време на зимската пауза имав среќа да поминам извесно време со тимот на АлфаТаури, така што веќе развивам силни врски и учам многу од нив, вклучувајќи го и Пјер, кој е неверојатен талент. Главната цел е да напредувам брзо и да испорачам резултати што е можно побрзо, и јас сум навистина возбуден да започне сезоната."
