НИКО ХУЛКЕНБЕРГ КОМЕНТАТОР И РЕЗЕРВЕН ВОЗАЧ НА ДВА ТИМА

Нико Хулкенберг не успеа да обезбеди договор со Ред Бул, но тоа не значи дека искусниот Германец ќе остане без работа. Денес, тој објави на социјалните мрежи дека потпишал договор со австрискиот телевизиски канал СервусТВ, додека се шпекулира дека наскоро ќе се потврди дека тој ќе биде резервен возач во два тима одеднаш, Мерцедес АМГ и Астон Мартин.

"Сосема е можно да се комбинира работата на резервен/тест возач и ТВ-коментатор, во спротивно не би разговарале за тоа. Во однос на работата на резервен/тест возач, изгледите се многу добри, а ние ја завршуваме дискусијата за деталите. Но, ова не е трајна работа, па затоа може да се комбинира со соработка со СервусТВ."

"Одам да ги критикувам и напаѓам моите поранешни колеги со цел повторно да добијам договорот како возач! Шега на страна, мојата работа на оваа телевизија ќе биде да му помагам на коментаторот Андреа Шлaгер и да се обидам да споделам инсајдерски информации со гледачите."

"Имавме неколку разговори со Хелмут Марко, така што изгледите за време на летото и есента изгледаа релативно добри, но на крајот, кога нагло се зголемија шансите на Серџо Перез, почувствував дека ситуацијата се смени. Не знам колку беа сериозни намерите на Ред Бул, бидејќи не бевме блиску до потпишување договор."

"Што се однесува до можноста за враќање во Формула 1 во 2022 година, ова не е лесно прашање, затоа што мора да бидеме реални. Секогаш е потешко да се направи тоа кога си надвор од акцијата, но од друга страна, во време на пандемија, сè може да се случи. Нема смисла да нагаѓаме, но важно е да останам во падокот и во текот на сезоната ќе бидам на трките. Ако сепак успеам да се вратам, тоа ќе биде огромен успех!"