Шестото место во шампионатот на конструктори од минатата сезона беше најлош резултат за тимот од 1980 година, но Италијанците веруваат дека се решени проблемите со недостаток на моќност на Ферари ПЕ, а со тоа и нивната болна точка - брзина на правците. Според нив оваа година Чарлс Леклер и неговиот нов тимски колега, искусниот Карлос Саинц Јр., ќе може да се борат за места на подиумот.
Чарлс Леклер изјави дека оваа боја е додадена во последен момент, нешто на кое треба да се навикнеме. Ова лого најверојатно нема да го гледаме на трките во земјите каде има забрана за рекламирање на производи на тутунската индустрија, така да ако им беше поентата целиот фокус да се префрли на Филип Морис, им успеа. Се слушна многу повеќе за нив отколку минатите сезони!!!
Затоа, SF21 е развиен во сите дозволени области, од моторот, кој е комплетно нов, до аеродинамиката и, задниот крај, каде што се искористени двата дозволени развојни токени во регулативата.
"Се базира на нашата шасија од минатата година. Според прописите, развојот на некои од компонентите е замрзнато, но ние се обидовме да го подобриме болидот во сите области каде што е возможно. Ја редизајниравме неговата аеродинамика, конструиравме целосно нова погонска единица."
"Покрај тоа, ја сменивме и бојата на болидот, како што можете да видите, задниот дел е обоен во бургунди црвена боја, истата нијанса како и првиот болид на Ферари 125S. Ова е истата боја што ја користевме минатата година во Муџело во чест на нашата 1000 трка."
"Но, како што се движиме постепено кон кокпитот, таа се трансформира во модерна црвена нијанса што ја користевме во последниве години. Оваа сезона ни претставува голем предизвик и преку овој изглед, визуелно, ние се рестартираме од нашето минато и одиме кон иднината."
"Ни претстои тешка сезона. Ја градиме нашата историја и гледаме кон иднината, надевајќи се дека таа ќе биде обоена со нашиот црвен потпис."
"Земајќи ги предвид ограничувањата за развој на болидот и новите финансиски регулативи, разбравме дека нема да можеме брзо да напредуваме, но методички работевме на враќање на тимот во групата на лидери. Беше очигледно дека за ова ни треба поефикасен болид од минатогодишниот SF1000. Нашите инженери, Енрико на чело на одделот за мотори и Енрико на одделот за шасија, дадоа се од себе, но ни останатите тимовите не застанаа во развојот."
"Оваа година ќе се обидеме да извлечеме максимум од нашиот болид, без оглед на нивото на неговата конкурентност. Нашата цел е да дадеме се од себе за време на тркачките викенди и да го натераме тимот да се движи во вистинската насока, така што целиот тим се чувствува како блиско семејство."
"Важен дел од ова e доаѓањето во Маранело на Карлос, кого го одбравме да го замени Себастијан Ветел. Поранешниот возач на Мекларен и Чарлс Леклер се најмладиот пар возачи на Ферари од 1968 година. Двајцата возачи зрачат со позитивна енергија. За време на зимската пауза, видовме колку одлично работеа заедно и тоа е многу добро за тимот."
"Минатата сезона ни даде јасна идеја за позициите на тимот и тоа е она што го искористивме во нашата идна работа. Ова знаење, посветеност, како и вештината на нашите специјалисти и партнери ја формираа основата на новата погонска единица 065/6, што ќе се користи оваа сезона."
"Заземавме систематски пристап и работевме со сите оддели, со дизајнерите и инженерите одговорни за работа на симулаторот, надградба на болидот и работа на патеката, се обидовме да ја искористиме секоја можност за да напредуваме. Заедно со нашите колеги од одделот за шасија, работевме многу на изгледот на ПЕ за да го направиме болидот што е можно поефикасен."
"Заедно со нашиот партнер Шел, работевме многу со моторот со внатрешно согорување, обидувајќи се да ја подобриме неговата топлинска ефикасност. Toa треба да ни помогне да добиеме повеќе од една десетинка по круг. Многу работевме со турбополначот и се обидовме да ја подобриме ефикасноста на системот за издувни гасови. Ние не ги занемаривме хибридниот систем и се обидовме да ги оптимизираме сите негови компоненти."
"Работевме како тим заедно со нашите добавувачи и технички партнери, особено Shell и Mahle. Вложивме многу напор во овој проект, но веќе започнавме да подготвуваме нова погонска единица, која ќе дебитира следната сезона и ќе се користи најмалку во следните три години, така што нејзината ефикасност ќе игра многу важна улога."
"Покрај тоа, го подобривме системот за ладење, ја зголемивме ефикасноста на главниот радијатор, а елементите на телото станаа поедноставени за зголемен протокот на воздухот. Една од клучните области најмногу погодени од промената на правилата е аеродинамиката."
"Новата регулатива ја намали потисната сила во задниот дел на болидот. Работејќи со аеродинамиката на SF21, пред сè се обидовме да ги компензираме овие загуби и да го намалиме отпорот. Ревизијата на предниот дел на болидот беше помалку радикална. Развивме ново предно крило со нов концепт на носот, но шасијата и предната амортизација се од минатогодишниот SF1000."
