БОЛИДОТ НА РЕД БУЛ ЗА 0.008 СЕКУНДИ ПОБРЗ ОД ТОЈ НА МЕРЦЕДЕС АМГ

По две трки на градски патеки, Формула 1 пристигна на патеката Пол Рикар. Во Франција стапија во сила дополнителни ограничувања на флексибилноста на аеродинамичните елементи, а по инцидентите со гумите во Баку, Пирели реши построго да го контролира притисок во гумите, што може да влијае на брзината на некои тимови.

Многу делови од патеката добија нов асфалт, што во комбинација со високиот притисок во гумите, доведе до недостаток на грип и многу извртувања/излетувања. Веќе на почетокот на тренингот, Мик Шумахер излета од патеката и ја допре бариерата. Неколку минути подоцна се појавија жолти знамиња поради извртувњето на Јуки Цунода.

Во 15-та минута, Себастијан Ветел имаше контакт со бариерите по излетувањето во 11-от свиок. Извртување имаше и за Карлос Саинц Јр., а Макс Ферстапен и Валтери Ботас ги оштетија болидите поминувајќи над жолтите рабници покрај вториот свиок, поставени за да ги оневозможат возачите да излегуваат премногу надвор од границите на патеката.

Од тимот на Мерцедес АМГ јавно се пожалија до Мајкл Меси, директорот на трката, дека тие предизвикуваат многу штета за метар надвор од границите на патеката. Во текот на вториот тренинг истото го направија и од тимот на Ред Бул, па останува да видиме дали од ФИА ќе реагираат на овие поплаки.

Во Вилијамс, Рој Нисани привремено го замени Џорџ Расел на првиот тренинг, додека останатите тимови ги имаа главните возачи. Валтери Ботас го имаше најбрзиот круг, пред Хамилтон и возачите на Ред Бул. Но, секогаш поважниот дел е попладневниот тренинг кој се одржува во време на квалификациите и трката.

2021 ГН ФРАНЦИЈА - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:33.448		24
2	Луис Хамилтон	Мерцедес АМГ	1:33.783	+ 0.335	21
3	Макс Ферстапен	Ред Бул	1:33.880	+ 0.432	23
4	Серџо Перез	Ред Бул	1:34.193	+ 0.745	25
5	Естебан Окон	Алпин	1:34.329	+ 0.881	25
6	Даниел Рикиардо	Мекларен	1:34.644	+ 1.196	24
7	Фернандо Алонсо	Алпин	1:34.693	+ 1.245	21
8	Пјер Гасли	АлфаТаури	1:34.699	+ 1.251	20
9	Ландо Норис	Мекларен	1:34.707	+ 1.259	21
10	Јуки Цунода	АлфаТаури	1:34.847	+ 1.399	22
11	Чарлс Леклер	Ферари	1:34.950	+ 1.502	24
12	Антонио Џовинаци	Алфа Ромео	1:35.116	+ 1.668	23
13	Кими Раиконен	Алфа Ромео	1:35.135	+ 1.687	20
14	Ленс Строл	Астон Мартин	1:35.275	+ 1.827	23
15	Себастијан Ветел	Астон Мартин	1:35.289	+ 1.841	16
16	Карлос Саинц ЈР.	Ферари	1:35.342	+ 1.894	24
17	Николас Латифи	Вилијамс	1:35.612	+ 2.164	22
18	Никита Мазепин	Хас	1:36.651	+ 3.203	24
19	Мик Шумахер	Хас	1:37.329	+ 3.881	14
20	Рој Нисани	Вилијамс	1:37.881	+ 4.433	16
ИСТОРИЈА - ХИБРИДНА ЕРА - ПОЛ РИКАР 2018 Луис Хамилтон - Мерцедес АМГ - 1:12.198 2019 Луис Хамилтон - Мерцедес АМГ - 1:32.738 2021 Валтери Ботас - Мерцедес АМГ - 1:33.448
@МкФормула1 - Република Македонија @MkFormula1 - Republic of Macedonia

Макс Ферстапен го забележа најбрзото време на втората тренинг сесија за Големата награда на Франција, победувајќи го Валтери Ботас за само 0.008 делови од секундата. Луис Хамилтон го забележа трето најбрзо време, но имаше интересен момент кога се пожали преку тимското радио на својот болид.

Интересно е тоа што од овој викенд, тој ја има шасијата на својот тимски колега, со која Финецот настапуваше на првите трки од сезоната. Значи, во Мерцедес АМГ нема нови шасии за возачите, туку планирана, стандардна замена помеѓу возачите.

Алпин се покажа во добро светло, со обајцата возачи во топ 10 пласман, што е одлично во пресрет на нивната домашна трка. Времето ќе покаже дали ова беа кругови со многу малку гориво и максимална моќност, колку да се во центарот на внимание. Како и да е, поредокот по првите два најбрзи тимови е многу близок како и секогаш. Тука некаде беше и Чарлс Леклер со Ферари и константниот Пјер Гасли со болидот на АлфаТаури.

Мекларен стандардно во средниот ред, кои малку назадуваа за време на вториот тренинг, но веќе знаеме дека во сабота драстично се подобруваат. Одлична вест за тимот е што Даниел Рикиардо не заостанува премногу во однос на својот тимски колега.

Топлото време и ветерот имаа значително влијание врз работата на болидите, а гумите на Пирели изгледа дека повторно ќе ја играат својата улога, со тоа што некои тимови се борат да останат повеќе круга на црвените гуми, а други изгледаат многу посилни на жолтите. Изборот на гуми за Q2 ќе има значително вијание за неделната трка.

Како што веќе напоменавме во повеќе наврати, одредување на тркачкото темпо е многу потешко со намалувањето на времетраењето на тренинг сесиите, па со голема резерва може да ги разгледаме просечните постугнувања на тимовте.

Жолтите гуми ќе бидат примарна цел на повечето тимови, а на нив најбрзи е Мерцедес АМГ со 37.4, следува Ред Бул со 37.8, Алпин 39, Астон Мартин 39.4.

На црвените гуми имавме многу кратки стинтови Мерцедес АМГ 38.1, Ферари 38.8, Мекларен 39.6. Бели гуми Ферари 38.5, Алпин 38.6. Тимовите што не се споменати немаа забележано репрезентативни стинтови.

2021 ГН ФРАНЦИЈА - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:32.872		34
2	Валтери Ботас	Мерцедес АМГ	1:32.880	+ 0.008	25
3	Луис Хамилтон	Мерцедес АМГ	1:33.125	+ 0.253	31
4	Фернандо Алонсо	Алпин	1:33.340	+ 0.468	32
5	Чарлс Леклер	Ферари	1:33.550	+ 0.678	31
6	Естебан Окон	Алпин	1:33.685	+ 0.815	29
7	Пјер Гасли	АлфаТаури	1:33.696	+ 0.824	27
8	Карлос Саинц Јр.	Ферари	1:33.698	+ 0.826	29
9	Кими Раиконен	Алфа Ромео	1:33.786	+ 0.914	34
10	Ландо Норис	Мекларен	1:33.822	+ 0.950	30
11	Антонио Џовинаци	Алфа Ромео	1:33.831	+ 0.959	34
12	Серџо Перез	Ред Бул	1:33.921	+ 1.049	34
13	Јуки Цунода	АлфаТаури	1:33.955	+ 1.083	35
14	Даниел Рикиардо	Мекларен	1:34.079	+ 1.207	32
15	Себастијан Ветел	Астон Мартин	1:34.447	+ 1.575	37
16	Ленс Строл	Астон Мартин	1:34.632	+ 1.760	30
17	Џорџ Расел	Вилијамс	1:35.267	+ 2.394	27
18	Николас Латифи	Вилијамс	1:35.331	+ 2.459	32
19	Мик Шумахер	Хас	1:35.512	+ 2.640	33
20	Никита Мазепин	Хас	1:35.551	+ 2.679	32
ИСТОРИЈА - ХИБРИДНА ЕРА - ПОЛ РИКАРД 2018 Луис Хамилтон - Мерцедес АМГ - 1:32.539 2019 Валтери Ботас - Мерцедес АМГ - 1:30.937 2021 Макс Ферстапен - Ред Бул - 1:32.872
@МкФормула1 - Република Македонија @MkFormula1 - Republic of Macedonia