Стјуардите на Италијанското Гран При одлучија дека Ферстапен е повеќе виновен за она што се случи, па ќе загуби три позиции на стартот на Големата Награда на Русија.
Тото Волф и Луис Хамилтон, во соработка со британската медиумска машинерија наголемо промовираа дека по несреќата, Макс го напушти местото на инцидентот, без да се увери дека Луис е во ред. Дури и Џеки Стјуарт го обвини Холанѓанецот за незрелост.
Сепак, лагите на моќната британска медиумска машинерија, не го поколебаа Даниел Рикиардо да застане во одбрана на својот поранешен тимски колега, дури и кога е во прашање самиот инцидент.
"Го познавам Макс, бевме тимски колеги неколку години", рече Даниел, учествувајќи во американскиот подкаст Pardon My Take. "Toa е неговиот стил, тој е тркач, и сe што се случува на патеката, тој го остава таму. Претпоставувам дека се уште може да биде лут по Силверстон. Веројатно тој само ја проследи ситуацијата и замина."
"Видов дека неговиот болид е на Мерцедесот на Луис, но потоа се префрли малку напред и застана. Мислам дека Луис се обидуваше да ја смени брзината во рикверц, и кога Макс го виде тоа, мислеше дека Хамилтон е добро."
"Ако дојде до несреќа и во исто време разбереме дека друг возач е повреден, 100% сум сигурен дека сите ние ќе се обидеме да помогнеме, во таква ситуација никој нема да се сврти и замине."
Иако стјуардите одлучија да го казнат Ферстапен, Австралиецот е убеден дека Макс, обидувајќи се да го претекне Луис, не ги прекрши правилата: "Не мислам дека постапките на Макс беа некако неразумни. Тој виде можност да го престигне и ја искористи, иако, се разбира, ситуацијата не беше најдобра."
