ВАЛТЕРИ НАЈБРЗ, ЛУИС И МАКС ВО ИСТА ДЕСЕТИНКА

Како што се очекуваше на патека каде што освен Мерцедес АМГ никој друг тим нема забележано Победа, Валтери Ботас беше најбрз на првиот тренинг за ГН на Русија, а неговиот тимски колега се погрижи за 1-2 пласман на Мерцедес АМГ. Финецот сесијата ја заврши со две десетинки предност пред Луис Хамилтон и Макс Ферстапен со болидот на Ред Бул.

На почетокот од тренинг сесиите во Сочи имавме постудено време, десет степени пониско отколку на истата сесија пред една година. Асфалтот остана сув, но временската прогноза најавува дожд кој ќе започне петок навечер и би требало да врне цела сабота.

Како што изминува 2021 сезоната имаме се помалку надградби на болидите, па така беше и во Сочи, се разбира, освен Ферари кој донесе надградена ПЕ за болидот на Чарлс Леклер, кој доби речиси целосно нов хибриден дел од истата, кој тимот од Маранело планира да го користи во 2022 година.

Со најавениот дожд возачите уште од првите минути излегоа на патеката, освен Ферстапен кој ги пропушти првите дванаесет минути и последните десет, а механичарите го демонтираа неговиот болид.

Сесијата помина без проблеми. Во 37-та минута, беше воведен режимот на виртуелен безбедносен автомобил за отстранување на остатоците на излезот од боксевите, што траеше неколку секунди. Враќајќи се во боксот по завршувањето на тренингот, Ландо Норис малку ја допре заштитната ограда на влез во боксот.

Претпладневниот тренинг не беше од некоја помош, па секако порелевантни податоци ќе се очекуваат за време на вториот тренинг кој започнува во 14:00 часот по Македонско време.

2021 ГН РУСИЈА - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:34.427		25
2	Луис Хамилтон	Мерцедес АМГ	1:34.638	+ 0.211	23
3	Макс Ферстапен	Ред Бул	1:34.654	+ 0.227	14
4	Чарлс Леклер	Ферари	1:35.117	+ 0.690	22
5	Себастијан Ветел	Астон Мартин	1:35.781	+ 1.354	23
6	Пјер Гасли	АлфаТаури	1:35.794	+ 1.367	24
7	Карлос Саинц Јр.	Ферари	1:35.811	+ 1.384	25
8	Ландо Норис	Мекларен	1:35.959	+ 1.532	24
9	Серџо Перез	Ред Бул	1:36.188	+ 1.761	22
10	Фернандо Алонсо	Алпин	1:36.225	+ 1.798	21
11	Естебан Окон	Алпин	1:36.236	+ 1.809	25
12	Ленс Строл	Астон Мартин	1:36.522	+ 2.095	21
13	Антонио Џовинаци	Алфа Ромео	1:36.795	+ 2.368	23
14	Даниел Рикиардо	Мекларен	1:36.877	+ 2.450	23
15	Кими Раиконен	Алфа Ромео	1:36.952	+ 2.525	20
16	Јуки Цунода	АлфаТаури	1:37.794	+ 3.367	26
17	Џорџ Расел	Вилијамс	1:38.015	+ 3.586	23
18	Николас Латифи	Вилијамс	1:38.155	+ 3.728	21
19	Никита Мазепин	Хас	1:38.586	+ 4.159	22
20	Мик Шумахер	Хас	1:38.977	+ 4.550	23
ХИБРИДНА ЕРА - СОЧИ 2014 Нико Розберг - Мерцедес АМГ - 1:42.311 2015 Нико Хулкенберг - Форс Индија - 1:44.355 2016 Нико Розберг - Мерцедес АМГ - 1:32.294 2017 Кими Раиконен - Ферари - 1:36.074 2018 Себастијан Ветел - Ферари - 1:34.488 2019 Чарлс Леклер - Ферари - 1:34.462 2020 Валтери Ботас - Мерцедес АМГ - 1:34.923 2021 Валтери Ботас - Мерцедес АМГ - 1:34.427 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA