БОТАС И ПЕРЕЗ ГИ ИМАА НАЈБРЗИТЕ ВРЕМИЊА НА ТРЕНИНГ СЕСИИТЕ

На крајот на октомври, Формула 1 се врати во Остин по двегодишна пауза. Организаторите ги презедоа сите можни мерки за да ги отстранат бројните испакнатини од асфалтот за кои возачите на Мото ГП се пожалија пред три недели. но без поголем успех.

Тренингот речиси веднаш по стартот беше прекинат, а поради проблеми со менувачот, инженерот на Алонсо побара од возачот да го запре болидот, по што тој го паркира во безбедносната зона на 12-от свиок.

Беа развиорени црвените знамиња, а болидот на Алпин беше евакуиран. Осум минути подоцна, возачите можеа да продолжат со работа, а при крајот од сесијата и Алонсо можеше повторно да излезе на асфалтот по поправките на неговиот менувач.

Чарлс Леклер излета во следот на 5-от и 6-от свиок, но успеа да се врати во гаражата ба Ферари. Мазепин излета во чакалот покрај 19-от свиок. На крајот од сесијата, Перез удри во болидот на Мик Шумахер, кој ја намали брзината и тргна во негова насока. Германецот по се изгледа заборави да се погледне во ретровизорите.

Кими Раиконен се изврте на излезот од деветтиот свиок. Избришани беа повеќе кругови за кршење на границите на патеката, и тоа 12-ет кај 9-от и 19-от свиок подеднакво.

Возачите најактивно работеа со црените гуми, но времето на кругот беше полошо отколку на првиот тренинг пред две години. Валтери Ботас беше најбрз, и тоа за 0.045 делови од секундата пред својот тимски колега, но возачите на Мерцедес АМГ имаа речиси цела секунда предност пред Макс Ферстапен и Ред Бул.

2021 САД ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:34.874		17
2	Луис Хамилтон	Мерцедес АМГ	1:34.919	+ 0.045	17
3	Макс Верстапен	Ред Бул	1:35.806	+ 0.932	18
4	Чарлс Леклер	Ферари	1:36.334	+ 1.460	16
5	Карлос Саинц Јр.	Ферари	1:36.508	+ 1.634	18
6	Пјер Гасли	АлфаТаури	1:36.611	+ 1.737	20
7	Серџо Перез	Ред Бул	1:36.798	+ 1.924	11
8	Ландо Норис	Мекларен	1:36.855	+ 1.981	18
9	Антонио Џовинаци	Алфа Ромео	1:36.874	+ 2.000	18
10	Кими Раиконен	Алфа Ромео	1:36.876	+ 2.002	19
11	Џорџ Расел	Вилијамс	1:36.967	+ 2.092	22
12	Естебан Окон	Мекларен	1:36.970	+ 2.096	20
13	Ленс Строл	Астон Мартин	1:36.972	+ 2.098	20
14	Себастијан Ветел	Астон Мартин	1:36.982	+ 2.108	20
15	Фернандо Алонсо	Алпин	1:37.068	+ 2.194	12
16	Даниел Рикиардо	Мекларен	1:37.458	+ 2.584	18
17	Николас Латифи	Вилијамс	1:37.463	+ 2.589	19
18	Јуки Цунода	АлфаТаури	1:37.954	+ 3.080	22
19	Мик Шумахер	Хас	1:38.867	+ 3.992	17
20	Никита Мазепин	Хас	1:42.239	+ 7.365	19
ХИБРИДНА ЕРА - ПАТЕКА НА АМЕРИКА 2014 Луис Хамилтон - Мерцедес АМГ - 1:39.941 2015 Нико Розберг - Мерцедес АМГ - 1:53.989 2016 Луис Хамилтон - Мерцедес АМГ - 1:37.428 2017 Луис Хамилтон - Мерцедес АМГ - 1:36.335 2018 Луис Хамилтон - Мерцедес АМГ - 1:47.502 2019 Макс Ферстапен - Ред Бул - 1:34.057 2021 Валтери Ботас - Мерцедес АМГ - 1:34.874 @МкФормула1 - Република Македонија @MkFormula1 - Republic of Macedonia

Откако на првиот тренинг тимовите се одлучија за пронаоѓање на основните поставки на болидите, на вториот, тимовите и возачите се фокусираа на работа со гумите на Пирели.

Во Остин беше невообичаено жешко, па на почетокот на попладневната сесијата асфалтот се загреа до речиси четириесет степени, услови кои се очекуваат и за квалификациите и трката.

Денот се покажа како добар, а трибините беа полни, откако минатата година Остин ја пропушти Формула 1 трката. Од првите минути возачите излегоа на патеката, но механичарите продолжија да работат на болидот на Џорџ Расел, кој ги пропушти првите 15 минути.

Ретко кој од возачите работеше на белите гуми. Сесијата ја започнаа со долги стинтови на жолтите гуми, за постепено да се префрлат на црвените, кога времињата значително се подобрија, но не можеа да ги достигнат резултатите од утринската сесија.

При крајот од тренингот, Фернандо Алонсо имаше излетување во 19-от свиок, го премина чакалот, по што следуваше судир со бариерите покрај патеката. Шпанецот имаше минимално оштетување на болидот, па успеа да се врати на патеката, а потоа и во својата гаража.

Како и утрината, на многу возачи им беа избришани времињата поради прекршување на границите на патеката на свиоците 9 и 19. Едно од нив беше и времето на Луис Хамилтон за првата позиција. Макс Ферстапен при својот брз криг влета вогужва на патеката, и не се обиде да забележи брз квалификациски круг.

Следствено на тоа најбрзиот круг го забележа Серџо Перез, нешто невообичано за тренинг сесиите. Инаку избришаното време на Хамилтон беше за 0.104 делови од секундата побрзо од тоа на Мексиканецот.

2021 САД ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Серџо Перез	Ред Бул	1:34.946		24
2	Ландо Норис	Мекларен	1:35.203	+ 0.257	20
3	Луис Хамилтон	Мерцедес АМГ	1:35.310	+ 0.364	22
4	Валтери Ботас	Мерцедес АМГ	1:35.360	+ 0.414	24
5	Даниел Рикиардо	Мекларен	1:35.457	+ 0.511	21
6	Ленс Строл	Астон Мартин	1:35.561	+ 0.615	25
7	Чарлс Леклер	Ферари	1:35.572	+ 0.626	23
8	Макс Ферстапен	Ред Бул	1:35.824	+ 0.878	23
9	Карлос Саинц Јр.	Ферари	1:35.919	+ 0.973	24
10	Антонио Џовинаци	Алфа Ромео	1:36.138	+ 1.192	26
11	Естебан Окон	Алпин	1:36.158	+ 1.212	23
12	Пјер Гасли	АлфаТаури	1:36.242	+ 1.296	25
13	Фернандо Алонсо	Алпин	1:36.376	+ 1.430	18
14	Кими Раиконен	Алфа Ромео	1:36.558	+ 1.612	25
15	Себастијан Ветел	Астон Мартин	1:36.718	+ 1.772	30
16	Јуки Цунода	АлфаТаури	1:36.983	+ 2.037	24
17	Мик Шумахер	Хас	1:37.041	+ 2.095	24
18	Николас Латифи	Вилијамс	1:37.254	+ 2.308	26
19	Џорџ Расел	Вилијамс	1:37.490	+ 2.544	21
20	Никита Мазепин	Хас	1:38.026	+ 3.080	23
ХИБРИДНА ЕРА - ПАТЕКА НА АМЕРИКА 2014 Луис Хамилтон - Мерцедес АМГ - 1:39.085 2015 одложен поради голем дожд 2016 Нико Розберг - Мерцедес АМГ - 1:37.358 2017 Луис Хамилтон - Мерцедес АМГ - 1:34.668 2018 Луис Хамилтон - Мерцедес АМГ - 1:48.716 2019 Луис Хамилтон - Мерцедес АМГ - 1:33.232 2021 Серџо Перез - Ред Бул - 1:34.964 @МкФормула1 - Република Македонија @MkFormula1 - Republic of Macedonia