ВАЛТЕРИ НА ПОЛ, НО ГЛАВНА ЅВЕЗДА НА СПРИНТОТ БЕШЕ ЛУИС ХАМИЛТОН

На Силверстоун, сопствениците на Формула 1 за прв пат го испробаа форматот на тркачкиот викенд, со спринт квалификации во сабота, т.е. мини трка на 100 километри, и квалификации во петок.

Денес, Валтери Ботас беше победник на спринтот во Сао Пауло и ќе стартува од Пол позицијата на неделната трка, споделувајќи го првиот ред со Ферстапен. Саинц Јр. и Перез почнуваат од вториот, Норис и Леклер од третиот. Луис Хамилтон заврши петти, но утре ќе загуби пет стартни места поради промена на моторот.

Со саботниот спринт заврши програмата на вториот ден од викендот во Бразил, ден во кој двајцата ривали за титулата добија казни од стјуардите. Хамилтон ги освои квалификациите, но при проверка на неговиот болид се покажа дека горниот елемент на ДРС-системот се отвора повеќе отколку што треба, па Британецот беше дисквалификуван и тој стартуваше последен.

Казнет беше и Ферстапен, но со парична казна од 50.000 евра, поради тоа што по квалификациите го допре задното крило на болидот на Хамилтон, пробувајќи да ја провери флексибилноста на неговите елементи. Стјуардите го обвинија Макс дека ги прекршил спортските правила на Формула 1.

Ферстапен и Ботас го започнаа спринтот од првиот ред, Перез и Гасли од вториот, Саинц Јр. и Леклер од третиот. Возачите мораа да возат 24 круга за да го одредат стартниот редослед на утрешната трка за Големата Награда на Сао Пауло.

Во спринтот, тимовите беа слободни да ги изберат своите стартни гуми, па така на црвените стартуваа Ботас, Гасли, Саинц Јр., Окон, Цунода, Раиконен, Џовинаци, Шумахер и Мазепин, а останатите ги избраа жолтите гуми.

На стартот, Валтери го престигна Ферстапен за да го предводи спринтот по првиот свиок, а по него Холанѓанецот беше престигнат и од Карлос Саинц Јр. Даниел Рикиардо загуби две позиции, а Луис Хамилтон се искачи на 16-то место.

Возачите на Алфа Ромео има контакт на патеката, по што Кими Раиконен заврши надвор од патеката, губејќи неколку позиции. Во четвртиот круг, Ферстапен го престигна Саинц Јр. за второто место.

Во меѓувреме, Мерцедесот на Хамилтон немаше конкуренција, па лесно ги претекна Цунода и Џовинаци и се искачи на 12-та позиција. Во 8. круг, Хамилтон го престигна Алонсо за 11. место.

Во деветтиот круг, Ландо Норис го престигна Леклер и се искачи на 5-то место, а спринт квалификациите ги одбележуваше Хамилтон, кој во веќе во 13-от круг го претекна Рикиардо за Топ 10 пласман.

Напред Ферстапен ја намали разликата до водечкиот, но Финецот добро ги изменаџира црвените гуми, па така разликата во брзината не беше доволна за напад.

Во 16-от круг Хамилтон ги престигна Ветел и Окон, во следниот Пјер Гасли. Во 20-от лесен плен беше и Ферарито на Чарлс Леклер, искачувајќи се на шестото место. Во последните моменти, Хамилтон го престигна и Норис за извонредната 5-та позиција.

2021 ГН САО ПАУЛО - СПРИНТ КВАЛИФИКАЦИИ 24 круга,; 100км., Време: Сончево
ПЛАСМАН:
П.	ВОЗАЧ	ТИМ	ВРЕМЕ
1.	Валтери Ботас	Мерцедес АМГ	29:09.559
2.	Макс Ферстапен	Ред Бул	+ 1.170
3.	Карлос Саинц Јр.	Ферари	+ 18.723
4.	Серџо Перез	Ред Бул	+ 19.787
5.	Луис Хамилтон*	Мерцедес АМГ	+ 20.872
6.	Ландо Норис	Мекларен	+ 22.558
7.	Чарлс Леклер	Ферари	+ 25.056
8.	Пјер Гасли	АлфаТаури	+ 34.158
9.	Естебан Окон	Алпин	+ 34.632
10.	Себастијан Ветел	Астон Мартин	+ 34.867
11.	Даниел Рикиардо	Мекларен	+ 35.869
12.	Фернандо Алонсо	Алпин	+ 36.578
13.	Антонио Џовинаци	Алфа Ромео	+ 41.880
14.	Ленс Строл	Астон Мартин	+ 44.037
15.	Јуки Цунода	АлфаТаури	+ 46.150
16.	Николас Латифи	Вилијамс	+ 46.760
17.	Џорџ Расел	Вилијамс	+ 47.739
18.	Кими Раиконен	Алфа Ромео	+ 50.014
19.	Мик Шумахер	Хас	+ 1:01.680
20.	Никита Мазепин	Хас	+ 1:07.474
* казна 5 стартни места - промена на мотор ОСВОЕНИ ПОЕНИ 3 - Валтери Ботас 2 - Макс Ферстапен 1 - Карлос Саинц Јр. @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA

2021 ГЕНЕРАЛЕН ПЛАСМАН 18/22
ВОЗАЧИ:
1.	Макс Ферстапен	314.5
2.	Луис Хамилтон	293.5
3.	Валтери Ботас	188
4.	Серџо Перез	165
5.	Ландо Норис	150
6.	Чарлс Леклер	138
7.	Карлос Саинц Јр.	131.5
8.	Даниел Рикиардо	105
9.	Пјер Гасли	86
10.	Фернандо Алонсо	60
11.	Естебан Окон	46
12.	Себастијан Ветел	42
13.	Ленс Строл	26
14.	Јуки Цунода	20
15.	Џорџ Расел	16
16.	Кими Раиконен	10
17.	Николас Латифи	7
18.	Антонио Џовинаци	1
19.	Мик Шумахер	0
20.	Роберт Кубица	0
21.	Никита Мазепин	0
КОНСТРУКТОРИ:
1.	Мерцедес АМГ	481.5
2.	Ред Бул	479.5
3.	Ферари	269.5
4.	Мекларен	255
5.	Алпин	106
6.	АлфаТаури	106
7.	Астон Мартин	68
8.	Вилијамс	23
9.	Алфа Ромео	11
10.	Хас	0