МАКС ФЕРСТАПЕН ДОМИНАНТЕН НА ПОПЛАДНЕВНИОТ ТРЕНИНГ

Мерцедес АМГ изгледаше на висина на задачата на предпладневниот тренинг, но попладнето Макс Ферстапен доминираше. Холанѓанецот беше незапирлив, со повеќе од четири десетинки предност пред сите останати возачи.

Импресивен настап за Ред Бул, при што Перез заврши на четвртото место, но во доменот на времињата на возачите на Мерцедес АМГ. Овие два тима имаат јасна предност пред останатите тимови.

За време на викендот во Мексико Сити ќе има малку придружни трки. По првиот тренинг имаше само кратки тренинзи од локалната Формула 4 и GT серија, но сепак многу правливата патека стана побрза отколку предпладнето.

Намалени беа и грешките на возачите. Ленс Строл и Мик Шумахер излетаа во 12-от свиок, Ботас и Хамилтон во првиот. Латифи за малку ќе го уништеше носот на својот болид од бариерите покрај 17-от свиок, но за негова среќа се помина во најдобар ред.

Неговиот тимски колега, Џорџ Расел, ја загуби целата сесија поради проблеми со менувачот, кои подоцна се појавија и на Мекларенот на Даниел Рикиардо, кој исто така предвреме го заврши тренингот. Се помина без црвени знамиња и многу комплетирани кругови, па сите тимови треба да имаат многу податоци за утрешниот ден.

Првите две години, по враќањето на Ф1 во Мексико, трките беа победени од Пол позицијата, Нико Розберг и Луис Хамилтон. Но, оттогаш, возачот на пол не успева да вкуси победа во 2017, 2018 и 2019 година.

Последен пат кога Формула 1 беше во Мексико, Хамилтон победи со старт од П3 на гридот. Сето тоа значи дека квалификациите се важни, но можеби не толку клучни како на патеки како Монако.

Досега, Мексико го исполни она што го најавуваше, правлива патека која ги казнува невнимателните возачи, два тима кои ќе се борат за Победа, останатите за што подобар пласман. На програмата следуваат саботниот тренинг и квалификациите кои се закажани за 21:00 часот по македонско време.

2021 МЕКСИКО ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:17.301		28
2	Валтери Ботас	Мерцедес АМГ	1:17.725	+ 0.424	31
3	Луис Хамилтон	Мерцедес АМГ	1:17.810	+ 0.509	26
4	Серџо Перез	Ред Бул	1:17.871	+ 0.570	26
5	Карлос Саинц Јр.	Ферари	1:18.318	+ 1.017	29
6	Пјер Гасли	АлфаТаури	1:18.429	+ 1.128	29
7	Чарлс Леклер	Ферари	1:18.605	+ 1.304	28
8	Јуки Цунода	АлфаТаури	1:18.644	+ 1.343	31
9	Себастијан Ветел	Астон Мартин	1:18.681	+ 1.380	32
10	Фернандо Алонсо	Алпин	1:18.732	+ 1.431	25
11	Кими Раиконен	Алфа Ромео	1:18.841	+ 1.540	27
12	Ландо Норис	Мекларен	1:18.979	+ 1.678	25
13	Антонио Џовинаци	Алфа Ромео	1:19.227	+ 1.926	31
14	Естебан Окон	Алпин	1:19.431	+ 2.130	37
15	Даниел Рикиардо	Мекларен	1:19.521	+ 2.220	7
16	Мик Шумахер	Хас	1:19.620	+ 2.319	30
17	Ленс Строл	Астон Мартин	1:19.730	+ 2.429	36
18	Николас Латифи	Вилијамс	1:20.820	+ 3.519	17
19	Никита Мазепин	Хас	1:21.581	+ 4.280	28
20	Џорџ Расел	Вилијамс	/	/	2
ХИБРИДНА ЕРА - БРАЌА РОДРИГЕЗ 2015 Макс Ферстапен - Ред Бул - 1:25.990 2016 Луис Хамилтон - Мерцедес АМГ - 1:20.914 2017 Валтери Ботас - Мерцедес АМГ - 1:17.824 2018 Макс Ферстапен - Ред Бул - 1:16.720 2019 Себастијан Ветел - Ферари - 1:16.607 2021 Макс Ферстапен - Ред Бул - 1:18.341 @МкФормула1 - Република Македонија @MkFormula1 - Republic of Macedonia