2022 ДАКАР: АЛ-АТИЈА И САНДЕРС УБЕДЛИВИ ВО СВОИТЕ КАТЕГОРИИ

Првата етапа на 2022 Дакар релито заврши со сигурна победа на Насер Ал-Атија, возејќи го теренецот Хилукс за фабричкиот тим на Тојота. Второто место го зазеде Себастиен Леб во кабриолет со погон на сите четири тркала подготвен од познатата британска компанија Prodrive, a трет на финишот на специјалната етапа долга 333 километри беше искусниот чешки тркач Мартин Прокоп, возејќи Ford Raptor RS Cross Country.

Славниот Шпанец Карлос Саинц се најде на невообичаеното за него 44 место и загуби повеќе од два часа од лидерот поради грешки во навигацијата. Со оглед на тоа дека и Стефан Петрансел, неговиот тимски колега во фабричкиот тим на Ауди, изгуби многу време поради технички проблеми, тогаш мора да се признае дека за возачите кои ги возат најновите електрични тркачки автомобили RS Q E-TRON овој Дакар стартува исклучително лошо.

Австралиецот Даниел Сандерс го задржа водството кај мотоциклистите, Литванецот Лаисвидас Канциус беше најдобар во класата на квадови. Во класата на лесни возила Т3, победи Американецот Сет Кинтеро.

Во категоријата камиони, очекувано, победата им припадна на возачите на Камаз Мастер, победник беше екипажот предводен од Димитриј Сотников. Второто место го зазеде Едуард Николаев, додека чешкиот тим, предводен од Алес Лопраис, возејќи го Praga V4S DKR, стигна до третото место. Сепак по казната од 15 минути, во генералниот поредок на трето место се врати екипажот на Камаз Мастер, предводен од Антон Шибалов.

Утре тркачите ќе ја имаат втората етапа со должина од 568 километри.

Топ три вкупни резултати во секоја категорија:

АВТОМОБИЛИ

1. Насер Ал-Атија (201)
Toyota Gazoo Racing
03ч30:53

2. Себастијан Леб (211)
Bahrain Raid Xtreme
+ 12:44

3. Мартин Прокоп (209)
Benzina Orlen Team
+ 22:39

МОТОЦИКЛИ

1. Даниел Сандерс (4)
Gas Gas Factory Racing
04ч38:40

2. Пабло Кинтанила (7)
Monster Energy Honda
+ 03:07

3. Матијас Вокнер (52)
Red Bull KTM Factory Racing
+ 11:06

КАМИОНИ

1. Димитриј Сотников (500)
Kamaz Master
13:01

2. Едуард Николаев (505)
Kamaz Master
+ 00:31

3. Антон Шибалов (501)
Kamaz Master
+ 18:56

ЛЕСНИ ВОЗИЛА Т3

1. Сет Кинтеро (303)
Red Bull Off-Road Junior Team
04ч21:35

2. Франциско Лопез Контардо (305)
EKS - South Racing
+ 01:58

3. Себастијан Ериксон (306)
EKS - South Racing
+ 06:52