СЕБАСТИЈАН ЛЕБ ПОБЕДНИК НА ВТОРАТА ЕТАПА

Себастиен Леб, легендарниот француски рели возач, деветкратен шампион, ја освои својата 15-та етапна победа на Дакар релито. Леб и неговиот совозач, Белгиецот Фабиен Лоркин со кабриолетот на Prodrive ја поминуваа денешната етапа долга 338 километри за 3 часа и 25 минути.

Насер Ал-Атија загуби околу три и пол минути со Тојота Хилукс, а околу шест минути побавен беше Карлос Саинц во електричниот Ауди. Вчера Саинц Сениорот немаше среќа, загуби многу време поради грешка во навигацијата, и прашање е дали ќе успее да ги надомести двата изгубени часа.

Лоеб се израмни по бројот на етапни победи со француските мајстори на релито од претходните години, Жан-Луј Шлесер и Бруно Саби. Исто така, вреди да се напомене дека ова е прв ваков успех за автомобилот на Prodrive. Насер Ал-Атија го задржа водството во вкупниот поредок на Дакар релито во категоријата на автомобили.

Себастиен Леб: "Денес имавме вистински дуел помеѓу Насер и мене. Форсираше низ сите 340 километри, но на крајот успеав да го стигнам."

Насер Ал-Атија: "Можевме да возиме доста брзо и секогаш уживаме во тоа. Мислам дека ова ќе биде исклучително брз Дакар до крајот. Перформансите на нашиот Т1+ се навистина фантастични."

Победникот на Дакар од 2017 година, Сем Сандерленд е на пат да испише историја. Британецот ќе стане првиот возач кој победил на Дакар со два различни мотоцикли, откако легендарниот Ричард Сенкт го направи тоа пред две децении.

Сандерленд се трка на својот прв Дакар како возач на GasGas по успешниот период со KTM , вклучувајќи ја неговата победа во 2017 година. По две етапи, Сандерленд повторно е во водство во категоријата мотоцикли.

До казната од 10 минути, трет во оваа категорија беше доегашниот лидер, Даниел Сандерс, но потоа падна на седмото место со заостанување од 13 и пол минути. Тоа ќе беше извонреден почеток за шпанскиот производител кој никогаш досега нема пласман на победничкиот подиум пред ова издание на релито.

Двократниот победник на трката со камиони, Андреј Каргинов беше најбрз на денешната специјална етапа долга 339 километри. Резултатот на Каргинов ја одржува доминацијата на Камаз Мастер на релито. Екипажите на Камаз се наоѓаат на првите 4 места на табелата од генералниот пласман.

Ред Бул оф-роуд јуниорскиот тим имаше проблематичен ден во категоријата на лесни возила, Т3. Гијом де Мевиус победи на денешната етапа, но лошата вест за тимот е тоа што и Сет Кинтеро и Андреас Микелсен застанаа во близина на целта и претрпеа значителни временски загуби.

Вечерва конвојот Дакар се собира во кампот Ал Каисума поради тоа што планираниот камп во Ал Артавија бил погоден од обилни дождови. Сепак, ниту еден километар не е изгубен како резултат на временските услови, а утрешната специјална етапа долга 368 километри останува иста.

Топ три вкупни резултати во секоја категорија:

АВТОМОБИЛИ

1. Насер Ал-Атија (201)
Toyota Gazoo Racing
03ч59:21

2. Себастијан Леб (211)
Bahrain Raid Xtreme
+ 09:16

3. Лусио Алварез (222)
Overdrive Toyota
+ 40:53

МОТОЦИКЛИ

1. Сем Сандерленд (4)
Gas Gas Factory Racing
08ч31:29

2. Адриен Ван Беверен (42)
Monster Energy Honda
+ 02:51

3. Матијас Вокнер (52)
Red Bull KTM Factory Racing
+ 04:08

КАМИОНИ

1. Димитриј Сотников (500)
Kamaz Master
07ч59:07

2. Едуард Николаев (505)
Kamaz Master
+ 02:07

3. Андреј Каргинов (509)
Kamaz Master
+ 18:34

ЛЕСНИ ВОЗИЛА Т3

1. Франциско Лопез Контардо (305)
EKS - South Racing
08ч30:15

2. Себастијан Ериксон (306)
EKS - South Racing
+ 07:22

3. Павел Лебедев (312)
MSK Rally Team
+ 23:48