Во петокот вечерта никој не разговараше за резултатите од тренинг сесиите, туку целиот падок зборуваше само за ракетниот напад од Јемен врз складиштето за нафта на Арамко, официјален партнер на Формула 1, лоцирано релативно блиску до патеката.
Тимовите бараа безбедносни гаранции, кои што беа обезбедени од властите, но подоцна возачите беа во 4 часовна дискусија дали да се тркаат во такви услови. На крај се согласија дека викендот ќе продолжи по план, но ќе има дополнителни дискусии во текот на сезоната, околу трката во Џеда.
Квалификациите во Џеда не се од фундаментално значење, може да се претекнува на патеката, но добрата стартна позиција обезбедува предност и ја намалува веројатноста за инциденти, кои ги имаше многу на трките од пониските серии.
Во Q1 сесијата, Луис Хамилтон и Џорџ Расел ги избраа жолтите гуми за првиот брз круг, додека сите останати возачи на асфалтот излегоа на црвените гуми на Пирели. Многумина од нив беа во брз круг кога Николас Латифи изгуби контрола во 13-от свиок и со болидот заврши во заштитните барери покрај патеката.
Сесијата беше стопирана за отсранување на болидот на Вилијамс. Сензорот на ФИА забележал опасно преоптоварување, па Канаѓанецот беше испратен на преглед во медицинскиот центар, но набрзо беше пуштен.
Во првиот обид Карлос Саинц Јр. го забележа набрзото време, пред Чарлс Леклер, неговиот тимски колега, и Макс Ферстапен со трето најбрзо време. При вторите брзи круга Холанѓанецот се подобри завршувајќи пред Леклер, но не можеше да го надмине времето на Саинц Јр.
Луис Хамилтон беше вистинска енигма, и покрај тоа што неговиот болид немаше некои очигледни недостатови, тој и по неколку обиди за напредок во Q2 сесијата не успеа во својата намера. Ова за него е прв пат по 2017 Бразил ГП-то да не се пласира во втората квалификациска сесија.
Заедно со него од понатамошната борба испаднаа Алекс Албон, Нико Хулкенберг, Николас Латифи и Јуки Цунода. Сите што испаднаа, освен расипаниот болид на АлфаТаури беа болиди прдвижувани од Мерцедес ПЕ.
Луис Хамилтон: "Имав проблеми со балансот на болидот, не е како што посакував. Вчерашните настани не влијаеја на мојата концентрација за овие квалификации. Сите ние сме професионалци и се фокусираме на она што е потребно. За жал, отидовме во погрешна насока кога работевме со поставките. Можеби ќе промениме се и ќе стартувам од пит-линијата."
На околу седум минути до крајот на Q2 сесијата, Мик Шумахер изгуби контрола над својот болидот поминувајќи над рабниците при неговиот брз круг, по што следуваше силен удар во заштитните бариери покрај 10-от свиок, и конечно запре кај 12-от свиок.
Неговиот болид е има голема штета, тешко е да се процени дали таа е целосна и дали ќе има потреба од целосна замена на шасијата. Лекарскиот тим многу брзо пристигна на местото на инцидентот, а по неколку минутно чекање се дозна дека Мик бил свесен, разговарал со лекарите, по што беше пренесен во медицинскиот центар на патеката.
Младиот Германец е без физички поверди, но останува да почекаме за повеќе информации и дали ќе биде во можност да настапи на утрешната трка.
Во Q3 борбата се одвиваше на црвените гуми. При првите брзи круга најбрз беше Карлос Саинц Јр., а Ферстапен беше само шести, поради недостаток на грип во почетниот дел од кругот.
При вторите обиди најбрзо возеше Серџо Перез, 25 илјадитинки пред Чарлс Леклер. Кругот на Мексиканецот беше толку извонреден што нити тој самиот не веруваше дека се пласира на првата позиција за утрешната трка. Како што рече, болидот беше подесен за тркачко темпо.
